20:50 29 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Հասարակություն
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (558)
263 0 0

Բողոքող ծնողներն ասում են, որ համաձայն են` իրենց մեքենաներով ու տեխնիկայով գնան ու սկսեն զոհվածների մարմինները հավաքել։

ԵՐԵՎԱՆ, 16 նոյեմբերի – Sputnik. Պատերազմի ժամանակ անհետ կորած զինվորների ծնողները համաձայն են, որ իրենք անձամբ գնան ու դիերը հավաքեն, որպեսզի գործընթացն ավելի արագ լինի։

«Ես 40 օրից ավել է` փնտրում եմ եղբորս ու նրա որդուն։ Այս ընթացքում հերթով գնում ենք բոլոր կառույցները, բայց մեկը մյուսի վրա է գցում, վերջում էլ Ադրբեջանի վրա գցեցին։ Հիմա ինչ` պիտի Ալիևի՞ն դիմենք։ Տեղեկություններ ունենք, որ լիքը տղաներ կան, որ վիրավոր են, տարբեր տեղերում թաքնված են, և սպասում են, որ օգնության կհասնեն իրենց»,–ասաց մի տղամարդ։

Акция протеста родителей солдат пропавших без вести у здания Минобороны (16 ноября 2020). Еревaн
© Sputnik / Asatur Yesayants
Անհետ կորածների ծնողների բողոքի ակցիան ՊՆ–ի մոտ

Նրա խոսքով` 50-60 ծնող համաձայն են` իրենց մեքենաներով ու տեխնիկայով գնան ու սկսեն զոհվածների մարմինները հավաքել։

Անհետ կորած զինվորներից մեկի հայրն էլ ասաց` թող գոնե զոհված բերեն իրենց տղաներին, որ հուղարկավորեն նրանց։ Տղամարդը հուզված էր և շատ խոսել չկարողացավ։

Акция протеста родителей солдат пропавших без вести у здания Минобороны (16 ноября 2020). Еревaн
© Sputnik / Asatur Yesayants
Անհետ կորածների ծնողների բողոքի ակցիան ՊՆ–ի մոտ

Բողոքող ծնողներից մեկը` Արթուր Կիրակոսյանը, ասաց, որ 19 տարեկան իր տղայից մեկ ամիսց ավել է` լուր չկա։ «Ես գիտեմ` ինչ հրաման է եղել, ինչու են տարել։ Հույս կա, որ կենդանի են մեր տղաները, ուղղակի ձյունը որ եկավ` սովից ու ցրտից են մահանալու։ Էլ հնարավոր չէ այսպես։ Մյուս կողմից, հարկադիրն ու բանկային համակարգը մեզ սև ցուցակ են գցում, թող մարդ լինեն էլի, մեզ հանգիստ թողնեն»,–ասաց նա։

Акция протеста родителей солдат пропавших без вести у здания Минобороны (16 ноября 2020). Еревaн
© Sputnik / Asatur Yesayants
Անհետ կորածների ծնողների բողոքի ակցիան ՊՆ–ի մոտ

Արդեն հայտնել էինք, որ պաշտպանության նախարարության առջև հավաքվել են անհետ կորած զինվորների ծնողները և պահանջում են հանդիպում պաշտպանության նախարար Դավիթ Տոնոյանի հետ։Ակցիան դեռ շարունակվում է։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

Նոյեմբերի 10-ի կեսգիշերին, ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն, ռազմական գործողությունները դադարեցվեցին։

Նոյեմբերի 15-ի ժամը 12.30-ի տվյալներով՝ Արցախի ՊԲ-ն հրապարակել է 1434 զոհված զինծառայողի անուններ։

Համացացնում շրջանառվում է տեղեկություն, որ հայկական կողմից կա 4750 զոհ ու անհետ կորած։

Ի պատասխան՝ նոյեմբերի 14-ին ՀՀ առողջապահության նախարարությունը հայտնեց, որ դատաբժշկական ծառայությունը փորձաքննել է 2317 զոհված զինծառայողի դիակներ։ Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։

Ադրբեջանն իր կորուստների վերաբերյալ պաշտոնական տեղեկություններ չի հայտնում, սակայն հայկական կողմի տվյալներով` Ադրբեջանի ԶՈւ–ն պատերազմի ընթացքում զրկվել է 264 ԱԹՍ-ից, 16 ուղղաթիռից, 25 ինքնաթիռից, 784 զրահատեխնիկայից, 6 ՏՕՍ-ից, 7660 կենդանի ուժից։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

թեմա:
Իրադրությունը Հայաստանում և Արցախում հայտարարության ստորագրումից հետո (558)

Ըստ թեմայի

ԲՀԿ–ն պատրաստ է Նիկոլ Փաշինյանի հետ հանդիպել միայն մեկ օրակարգով
Ինչպես կլուծվի էլեկտրականության խնդիրը Շուշիի և Սղնախի ենթակայաններից սնուցվող վայրերում
Փաշինյանը հայտնեց` երբ կբացվի Լաչինի միջանցքը
թեգերը:
Բողոքի ակցիա, ՀՀ Պաշտպանության նախարարություն (ՊՆ), Դավիթ Տոնոյան, Զոհ, անհետ կորած, ծնող

Գլխավոր թեմաներ