13:59 24 նոյեմբերի 2020
Ուղիղ եթեր
  • USD505.32
  • GBP675.56
  • EUR600.12
  • RUB6.66
Հասարակություն
Ստանալ կարճ հղումը
80 0 0

Սիսիանի կամավորական ջոկատի անդամին ՀՀ քրեական օրենսգրքի երկու հոդվածներով մեղադրանք է առաջադրվել, սակայն նա ազատության մեջ է։

ԵՐԵՎԱՆ, 17 նոյեմբերի – Sputnik. ՀՀ վարչապետ Նիկոլ Փաշինյանի սպանությունը նախապատրաստելու մեջ մեղադրվող ՀՅԴ–ական Աշոտ Ավագյանն ազատ է արձակվել։

ԱԱԾ-ի մամուլի կենտրոնից Sputnik Արմենիային հայտնեցին, որ Երևանի ընդհանուր իրավասության դատարանը մերժել է ԱԱԾ-ի միջնորդությունը` Ավագյանի համար որպես խափանման միջոց կալանքն ընտրելու վերաբերյալ։

Միաժամանակ, ԱԱԾ–ից հայտնեցին նաև, որ Ավագյանին մեղադրանք է առաջադրվել ՀՀ քրեական օրենսգրքի 35-300-րդ հոդվածի 1-ին մասով և 35-305-րդ հոդվածով՝ իշխանության յուրացման և պետական գործչի սպանություն նախապատրաստելու համար։

Հիշեցնենք, որ ԱԱԾ–ն նոյեմբերի 14-ին վարչապետ Նիկոլ Փաշինյանի սպանության փորձի փաստով հարուցված քրգործի շրջանակներում որպես կասկածյալներ ձերբակալել է մի շարք անձանց, այդ թվում՝ «Հայրենիք» կուսակցության ղեկավար Արթուր Վանեցյանին, ՀՀ ԱԺ նախկին պատգամավոր, ՀՀԿ խմբակցության ղեկավար Վահրամ Բաղդասարյանին, ՀՅԴ անդամ Աշոտ Ավագյանին, ինչպես նաև Սիսիանի կամավորականների ջոկատի հրամանատար Աշոտ Մինասյանին։ 4 կասկածյալներին էլ մեղադրանք է առաջադրվել։

ԱԱԾ-ն կանխել է Նիկոլ Փաշինյանի սպանության փորձը. տեսանյութ

Երեկ երեկոյան հայտնի դարձավ, որ Արթուր Վանեցյանին և Վահրամ Բաղդասարյանին կալանավորելու ԱԱԾ միջնորդությունները մերժվել են։ Աշոտ Մինասյանի ձերբակալման ժամկետը երեկ երեկոյան լրացավ և նա ազատ արձակվեց, իսկ կալանավորելու` ԱԱԾ–ի ներկայացրած միջնորդությունը դեռ պետք է քննվի։

Հիշեցնենք, որ նոյեմբերի 9-ին եռակողմ հայտարարության ստորագրումից հետո Երևանում մի խումբ մարդիկ ներխուժեցին կառավարություն ու Ազգային ժողով, իսկ նոյեմբերի 11-ից ընդդիմադիր կուսակցությունները բողոքի ակցիաներ սկսեցին՝ պահանջելով վարչապետ Փաշինյանի հրաժարականը։

Ըստ թեմայի

ԱԱԾ փոխգնդապետն աշխատանքից ազատման զեկուցագիր է ներկայացրել
Ստացվում է` Ծառուկյանը գտնվել է ԱԱԾ–ում և այդ ժամանակ հանցանք կատարել. պաշտպանը զարմացած է
Արթուր Վանեցյանը նորից ԱԱԾ է կանչվել
թեգերը:
ՀՀ ազգային անվտանգության ծառայություն. ԱԱԾ, Քրեական գործ, Նիկոլ Փաշինյան

Գլխավոր թեմաներ