00:09 30 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Հասարակություն
Ստանալ կարճ հղումը
87 0 0

Ռազմական դրության իրավական ռեժիմի պայմաններում արգելված է հավաքների կազմակերպումն ու դրանց մասնակցելը։

ԵՐԵՎԱՆ, 18 նոյեմբերի – Sputnik. Կառավարության աշխատակազմի ղեկավար Էդուարդ Աղաջանյանը հորդորում է զերծ մնալ ցանկացած հանրահավաք կազմակերպելուց։ Նա Facebook-ի իր էջում գրառում է կատարել` անդրադառնալով սոցցանցային լուրերին։

Նշենք, որ մի շարք տեսանյութեր են շրջանառվում, որտեղ Արցախում կռված զինծառայողներն ասում են, որ այսօր կհավաքվեն Հանրապետության հրապարակում։ Նրանք հանրահավաքին հրավիրում են նաև այս օրերին բողոքի ակցիա անողներին։

«Տեղյակ ենք, որ Արցախից Հայաստան վերադարձած մի շարք զինծառայողներ և որպես կամավոր առաջնագիծ մեկնած քաղաքացիներ այսօր մտադիր են հանրահավաք իրականացնել Երևանում՝ ի աջակցություն ՀՀ կառավարության և վարչապետի։ Հորդորում ենք զերծ մնալ ցանկացած հանրահավաք կազմակերպելուց, քանի որ ռազմական դրության իրավական ռեժիմի պայմաններում արգելված է հավաքների կազմակերպումն ու դրանց մասնակցելը»,–գրել է Աղաջանյանը։

Նրա խոսքով` այս օրերին առավել քան երբևէ համախմբվել է պետք ու ամբողջ ներուժն ուղղել հայրենիքի վերակառուցմանը։

«Մենք թույլ չենք տալու հանցագործ միավորներին զավթել իշխանությունը». Էդուարդ Աղաջանյան

Հիշեցնենք, որ այս օրերին Երևանում բողոքի ակցիաներ են ընթանում վարչապետ Նիկոլ Փաշինյանի հեռացման պահանջով։ ՀՀ նախագահ Արմեն Սարգսյանը նույնպես հանդես էր եկել ուղերձով ու նշել, որ արտահերթ ընտրություններ կազմակերպելու կարիք կա։

Հավելենք, որ այսօր ժամը 18-ին նախատեսված է ընդդիմադիր կուսակցությունների հանրահավաք Ազատության հրապարակում։

Ըստ թեմայի

ՀՀ վարչապետի հայտարարությունն իրականությանը չի համապատասխանում. ՄԻՊ
Մտածում եմ առաջիկայում հանրահավաք կազմակերպելու անհրաժեշտության մասին. Փաշինյան
«Մեր զինվորին դավաճանեցին»․ ի՞նչ են մտադիր անել հանրահավաքի եկած արցախցի կանայք
թեգերը:
ընդդիմություն, հանրահավաք, Էդուարդ Աղաջանյան

Գլխավոր թեմաներ