13:05 24 նոյեմբերի 2020
Ուղիղ եթեր
  • USD505.32
  • GBP675.56
  • EUR600.12
  • RUB6.66
Հասարակություն
Ստանալ կարճ հղումը
394 0 0

Ուղերձում վարչապետն անդրադարձել է Ռիտա Սարգսյանի կարևոր դերակատարմանը հատկապես առողջապահության ոլորտում։

ԵՐԵՎԱՆ, 21 նոյեմբերի - Sputnik. ՀՀ վարչապետ Նիկոլ Փաշինյանը ցավակցական ուղերձ է հղել ՀՀ երրորդ նախագահ Սերժ Սարգսյանի տիկնոջ՝ Ռիտա Սարգսյանի անժամանակ մահվան կապակցությամբ։

«Որպես «Նվիրիր կյանք» հիմնադրամի հոգաբարձուների խորհրդի նախագահ` տիկին Սարգսյանն իր կարևոր դերակատարումն է ունեցել արյան քաղցկեղի դեմ պայքարող հայ փոքրիկներին աջակցելու գործում` նպաստելով մանկական առողջապահության ոլորտի մի շարք խնդիրների լուծմանը: Նրա գործունեության արդյունքում վերակառուցվել են առողջապահական եւ ուսումնական հաստատություններ»,- նշված է ուղերձում։

Վարչապետը նշել է, որ Ռիտա Սարգսյանը ծավալել է սոցիալ-հասարակական ակտիվ գործունեություն, խրախուսել մշակութային կյանքի աշխուժացումը։

«Մեր ընտանիքի անունից ցավակցություն եմ հայտնում Սարգսյանների սգակիր ընտանիքին»,- եզրափակել է վարչապետը ցավակցական ուղերձը։

Հիշեցնենք, որ Ռիտա Սարգսյանն օրերս կորոնավիրուսից առաջացած բարդությունների պատճառով ծանր վիճակում տեղափոխվել էր արտերկիր՝ բուժման նպատակով։

Այսօր հայտնի դարձավ, որ նա մահացել է։

Ըստ թեմայի

Գիտնականները կորոնավիրուսի կանխարգելման համար նոր միջոց են գտել
Կորոնավիրուսի հետևանքով մահացել է Գուգարաց թեմի առաջնորդ Սեպուհ արքեպիսկոպոս Չուլջյանը
1667 նոր դեպք, 30 մահ` մեկ օրում. կորոնավիրուսային հիվանդության ընթացքը Հայաստանում
թեգերը:
Նիկոլ Փաշինյան, Մահ, Ռիտա Սարգսյան

Գլխավոր թեմաներ