01:55 26 նոյեմբերի 2020
Ուղիղ եթեր
  • USD511.69
  • GBP682.70
  • EUR609.06
  • RUB6.78
Հասարակություն
Ստանալ կարճ հղումը
438 0 0

Արտակարգ իրավիճակների նորանշանակ նախարարը վստահեցնում է` երբեք չի հարել որևէ քաղաքական ուժի և չի առաջնորդվել քաղաքական շահերով։

ԵՐԵՎԱՆ, 21 նոյեմբերի – Sputnik. ՀՀ արտակարգ իրավիճակների նորանշանակ նախարար Անդրանիկ Փիլոյանը կոչ է անում հայ ժողովրդին համախմբվել՝ անկախ քաղաքական կողմնորոշումից և չնսեմացնել բազում արժանավոր մարդկանց վաստակը։ Նախարարն ուղերձով է հանդես եկել։

«ԱԻ նախարարի պաշտոնը ստանձնել եմ մեր երկրի համար այս բարդ և օրհասական պահին՝ ելնելով բացառապես հայրենիքին ծառայելու և այն հզորացնելու մղումից։ Իհարկե, տասնյակ անգամ հեշտ է այս ծանրագույն բեռը թոթափել ուսերից, սակայն, եթե յուրաքանչյուրն առաջնորդվի պատասխանատվությունից խուսափելու սկզբունքով, ապա բոլորիս սիրելի հայրենիքն ի վերջո կհայտնվի կործանման եզրին»,–նշված է նախարարի ուղերձում։

Նա ասել է նաև, որ լինելով սպա, ով առաջին իսկ օրվանից կանգնած է եղել բանակաշինության ակունքներում, իրեն վստահված պաշտոններում արել է առավելագույնը՝ հզորացնելու և զարգացնելու զինված ուժերը։

ՌԴ ԱԻՆ-ը մտադիր է հոգեբաններ ուղարկել Արցախ

Փիլոյանը վստահեցնում է` երբեք չի հարել որևէ քաղաքական ուժի և չի առաջնորդվել քաղաքական շահերով. այժմ էլ հայրենիքի շահն իր համար բացարձակ արժեք է։

Հիշեցնենք, որ Անդրանիկ Փիլոյանը նախարարի պաշտոնում փոխարինել է Ֆելիքս Ցոլակյանին, որը հրաժարական էր ներկայացրել նոյեմբերի 17-ին։

 

 

Ըստ թեմայի

Կառավարությունում փոփոխություններ են կատարվել
Կներդնեմ այն լավն ու դրականը, որ ունեցել եմ բանակում. ԱԻ նորանշանակ նախարար
Միանգամից պետք է անցնել գործի. Փաշինյանը ներկայացրել է նորանշանակ նախարարին
թեգերը:
ուղերձ, Անդրանիկ Փիլոյան, ՀՀ արտակարգ իրավիճակների նախարարություն (ԱԻՆ)

Գլխավոր թեմաներ