03:19 26 նոյեմբերի 2020
Ուղիղ եթեր
  • USD511.69
  • GBP682.70
  • EUR609.06
  • RUB6.78
Հասարակություն
Ստանալ կարճ հղումը
70601

Ֆուտբոլային ակումբն իր ցավակցությունն է հայտնում Արթուրի ընտանիքի անդամներին, հարազատներին ու ընկերներին։

ԵՐԵՎԱՆ, 21 նոյեմբերի – Sputnik. Արցախյան պատերազմում զոհվածների թվում է նաև «Ալաշկերտ» ֆուտբոլային ակումբի նախկին պաշտպան, 19-ամյա Արթուր Բարսեղյանը։ Տեղեկությունը հայտնում է «Ալաշկերտ» ակումբի Facebook-ի էջը։

Արցախում զոհվել է «Արարատ-Արմենիա-2»-ի ֆուտբոլիստներից մեկը

«Խորին ցավով տեղեկացանք, որ Արցախյան հերոսամարտերում արիաբար զոհվել է նաև Արթուր Բարսեղյանը։

Լույսի մեջ մնաս, Արթուր ջան...»,–նշված է հաղորդագրության մեջ։

Ֆուտբոլային ակումբն իր ցավակցությունն է հայտնում Արթուրի ընտանիքի անդամներին, հարազատներին ու ընկերներին։

Նշենք, որ հոկտեմբերի վերջից Արթուրի ծնողները ոչ մի լուր չունեին տղայից։ Ոչ մահացածների, ոչ էլ վիրավորների մեջ չէին գտնում։ Ծնողներին հաջողվել էր զրուցել տղայի զինակիցների հետ, տեղեկություն կար, որ վիրավորվել է Մարտունիում։ Եռակողմ հայտարարության ստորագրումից հետո մեկնել են Արցախ Արթուրին փնտրելու համար, բայց ապարդյուն։ Արթուրը սերժանտ էր, մասնակցել է Ջաբրայիլի, Հադրութի, Մարտունիի պաշտպանական մարտերին։ Զոհվել է, երբ ԱԹՍ–ն հարվածել է մեքենային, որի կողքին կանգնած է եղել։ Ծնողները ցավալի լուրը իմացել են երեկ։

Պատերազմական օրերին մասնագիտական պարտքը կատարելիս 15 բժիշկ է զոհվել

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն, ռազմական գործողությունները դադարեցվեցին։ 

Նոյեմբերի 19-ի տվյալներով՝ Արցախի ՊԲ-ն հրապարակել է 1678 զոհվածների անունները։

«Մենք չենք նահանջել, մեր փոխարեն որոշել են». ըմբիշ Միհրան Հարությունյանը` պատերազմի մասին

Համացանցում լուր տարածվեց, որ հայկական կողմն ունի 4750 զոհ ու անհետ կորած։  ՀՀ առողջապահության նախարար Արսեն Թորոսյանը նոյեմբերի 18-ին ԱԺ–ում լրագրողներին հայտնեց, որ պատերազմի առաջին օրվանից մինչև նոյեմբերի 17-ի երեկոյան պաշտոնապես հաստատված զոհված զինծառայողների թիվը 2425 է։ 

Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։ 

Ըստ թեմայի

Հայկական կողմը զոհվածների և անհետ կորածների տեղանշումներով քարտեզ է ներկայացրել ԿԽՄԿ–ին
Կողմերը 385 զոհվածի մարմիններ են հանձնել միմյանց. ՌԴ ԱԳՆ
Եվս 41 անուն. ՊԲ–ն զոհվածների նոր ցանկ հրապարակեց
թեգերը:
«Ալաշկերտ» ֆուտբոլային ակումբ, Զոհ, Արցախյան պատերազմ

Գլխավոր թեմաներ