06:15 01 դեկտեմբերի 2020
Ուղիղ եթեր
  • USD506.40
  • GBP674.68
  • EUR606.82
  • RUB6.65
Հասարակություն
Ստանալ կարճ հղումը
349 0 0

Մեծ թվով թիկնապահների ուղեկցությամբ Էջմիածին ժամանեց նաև ՀՀ վարչապետ Նիկոլ Փաշինյանը։

ԵՐԵՎԱՆ, 22 նոյեմբերի - Sputnik. Այսօր Արցախյան վերջին պատերազմում նահատակված հերոսների հիշատակի օրն է։ Օրվա խորհրդով Մայր Աթոռ Սուրբ Էջմիածնում րոպեներ առաջ մեկնարկեց հիշատակի արարողությունը։

«Հայոց նոր գոյապայքարում նահատակված արիասիրտ մեր զինվորների ու զորահրամանատարների քաջագործությունները հավերժական վկայություններ են մեծ հայրենանվիրման ու ազգասիրության։ Արցախի Հանրապետության դեմ Ադրբեջանի նախաձեռնած պատերազմում, որ սանձազերծվել էր Թուրքիայի սատարումով և ահաբեկիչների ներգրավմամբ, մեր հերոս զավակները խիզախությամբ մարտնչեցին թշնամու  անհավասար ուժի դեմ՝ ի գին իրենց կյանքի պաշտպանելու մեր հայրենիքը։ Այսօր  մենք բոլորս սիրելի որդեկորույս ծնողների, սգակիր հայրերի ու մայրերի, այրիացած կանանց ու որբացած մանուկների հետ միասին մեր սրտերում կրում ենք մեր զոհված քաջորդիների կորստի մեծ վիշտը։ Այս անասելի ցավի հետ մեկտեղ նաև հպարտություն ենք ապրում նրանց անզուգական խիզախության, անօրինակ սխրանքների և պանծալի քաջագործությունների համար»,- իր խոսքում նշեց Վեհափառ հայրապետը։

Поминальная служба в память о павших в карабахской войне героях в Первопрестольном Святом Эчмиадзине (22 ноября 2020). Эчмиадзин
© Sputnik / Asatur Yesayants
Մայր աթոռում զոհվածների հիշատակի պատարագին

Նրա հիշեցրել է՝ պատմության ընթացքում մեր ժողովուրդը բազմիցս մահվան հովիտներով է անցել, տեսել ավեր, կոտորածներ, ցեղասպանություն, սակայն բոլոր փորձություններում կարողացել է հաղթել մահվանը՝ հավատալով Աստծուն։

«Աստծուն ապավինած՝ մեր ցավն ու վիշտը վերածել ենք ուժի ու զորության, մեր կորուստն ու սուգը վերափոխել ենք կամքի ու վճռականության, անգամ ցեղասպանությունից հետո, երբ նահատակվեցին մեր ժողովրդի մեկ ու կես միլիոն զավակներ, երբ կորցրեցինք պատմական հայրենիքի մեծագույն մասը, երբ եղեռնից մազապուրծ բազում հայորդիներ տարագրվեցին և սփռվեցին աշխարհով, մենք կարողացանք աննկուն ոգով Արևելյան Հայաստանի այս հատվածում վերակերտել մեր պետականությունը»,- նշեց Ամենայն Հայոց կաթողիկոսը։

Поминальная служба в память о павших в карабахской войне героях в Первопрестольном Святом Эчмиадзине (22 ноября 2020). Эчмиадзин
© Sputnik / Asatur Yesayants
Մայր աթոռում զոհվածների հիշատակի պատարագին

Վեհափառ հայրապետի հանդիսապետությամբ անցկացվող արարողությանը ներկա են ՀՀ նախագահ Արմեն Սարգսյանը, ՀՀ վարչապետ Նիկոլ Փաշինյանը տիկնոջ հետ, Տարածքային կառավարման և ենթակառուցվածքների նախարար Սուրեն Պապիկյանը, այլ բարձրաստիճան պաշտոնյաներ, մեծ թվով քաղաքացիներ, զոհված զինծառայողների ընտանիքների անդամներ։

Հիշատակի պատարագին մասնակցում են նաև մեծ թվով զինվորականններ։

Поминальная служба в память о павших в карабахской войне героях в Первопрестольном Святом Эчмиадзине (22 ноября 2020). Эчмиадзин
© Sputnik / Asatur Yesayants
Մայր աթոռում զոհվածների հիշատակի պատարագին

Հիշեցնենք՝ նոյեմբերի 13-ին կայացավ նախագահ Արմեն Սարգսյանի և Ամենայն Հայոց Կաթողիկոսի Գարեգին Երկրորդի հանդիպումը։ Նրանք հանդես եկան կոչով նոյեմբերի 22-ը հայտարարել Արցախյան ազատամարտում հայրենիքի պաշտպանության համար նահատակված հերոսների հիշատակի օր և աշխարհի բոլոր հայկական եկեղեցիներում կատարել հիշատակի արարողություն:

Ըստ թեմայի

Արցախում զոհվել է «Արարատ-Արմենիա-2»-ի ֆուտբոլիստներից մեկը
Եվս 41 անուն. ՊԲ–ն զոհվածների նոր ցանկ հրապարակեց
Արցախյան պատերազմում զոհվածների թվում է նաև «Ալաշկերտի» նախկին պաշտպան Արթուր Բարսեղյանը
թեգերը:
Նիկոլ Փաշինյան, Ամենայն Հայոց կաթողիկոս Գարեգին Բ, Մայր Աթոռ Սուրբ Էջմիածին, պատարագ, Զոհ, Արցախյան պատերազմ

Գլխավոր թեմաներ