14:52 02 մարտի 2021
Ուղիղ եթեր
  • USD528.37
  • GBP736.92
  • EUR636.10
  • RUB7.13
Հասարակություն
Ստանալ կարճ հղումը
261 0 0

ԱԺ «Իմ քայլը» խմբակցության պատգամավոր, ՀՀ-Իրան բարեկամական խմբի ղեկավար Մխիթար Հայրապետյանը հանդիպել է նաև Իրանում ՀՀ դեսպան Արտաշես Թումանյանի հետ։

ԵՐԵՎԱՆ, 25 նոյեմբերի - Sputnik. Իրանի տարածքում հայ զինվորների գտնվելու մասին տեղեկությունները չեն հաստատվել։ Այս մասին Facebook-ում գրել է ԱԺ «Իմ քայլը» խմբակցության պատգամավոր, ՀՀ-Իրան բարեկամական խմբի ղեկավար Մխիթար Հայրապետյանը։

«Վերջին օրերին մի շարք հեռախոսազրույցներ եմ ունեցել տարբեր գործընկերների հետ, քիչ առաջ հանդիպել եմ նաև Իրանում ՀՀ դեսպան Արտաշես Թումանյանի հետ, որի խոսքով՝ այս պահի դրությամբ վերոնշյալ լուրերը չեն հաստատվել»,– գրել է պատգամավորը։

Հայրապետյանը շեշտում է, որ չնայած Հայաստանն ու Իրանը հայ զինծառայողների` այդ երկրի տարածքում գտնվելու մասին տեղեկությունը պաշտոնապես չէին հաստատել, բայց ԱԺ պատգամավորները շարունակում են նամակներ ստանալ քաղաքացիներից այդ լուրերի իսկությունը ճշտելու պահանջով:

Հիշեցնենք` սոցցանցերում տարածվում էր տեղեկություն, թե պատերազմի ընթացքում մոտ 80 հայ զինվորներ անցել են Իրանի տարածք։

Դուք եկել եք՝ խաբեք, գնաք տուն. անհետ կորածների ծնողները դժգոհ են կառավարության աշխատանքից

Դրանից հետո զինծառայողների ընտանիքները սկսել են հավաքվել Իրանի դեպսանատան շենքի դիմաց` տեղեկություններ ստանալու նպատակով։

Նոյեմբերի 20-ին Հայաստանում Իրանի դեսպանությունը հայտարարել էր, որ այդ պահին չի կարող հաստատել այդ լուրը, բայց խոստացել էր, որ Իրանը կստուգի հայ զինվորների ներկայության մասին փաստերը, և իրականացված ուսումնասիրությունների արդյունքները կհայտարարի առաջին իսկ հնարավորության դեպքում:

Ըստ թեմայի

Իրանը կստուգի հայ զինվորների ներկայության մասին փաստերը. դեսպանատուն
Ռուսաստանի և Իրանի արտգործնախարարները քննարկել են Լեռնային Ղարաբաղի հարցը
Մեղրիի միջանցքի խնդիրը պետք է հստակեցվի, հայտարարության տեքստը շատ բազմանշանակ է. իրանագետ

Գլխավոր թեմաներ