13:10 16 հունվարի 2021
Ուղիղ եթեր
  • USD522.53
  • GBP712.78
  • EUR634.35
  • RUB7.13
Հասարակություն
Ստանալ կարճ հղումը
29610

Կառավարության առջև այս պահին բողոքի ակցիա է` անհետ կորած զինծառայողների ծնողները հավաքվել են ու պահանջում են վերադարձնել իրենց երեխաներին։

ԵՐԵՎԱՆ, 26 նոյեմբերի – Sputnik. Անհետ կորած զինծառայողների ծնողները նորից կառավարության առջև են. նրանք պահանջում են, որ քայլեր իրականացնեն իրենց զավակներին գտնելու ուղղությամբ։

Քիչ առաջ ավտոմեքենայով վարչապետ Նիկոլ Փաշինյանը հեռացավ կառավարությունից։ Բողոքի ակցիա անող ծնողները փորձեցին կանգնեցնել մեքենան, սակայն չստացվեց։ «Փախավ Փաշինյանը»,–ասացին ծնողները։

«Աչքկապոցի է, մի կառույցից մյուսն են ուղարկում մեզ։ Չկա դեպք, որ իմանանք` մեկի երեխուն գտել–տվել են»,–ասաց անհետ կորած զինվորներից մեկի ծնողը։

Մեկ ուրիշն էլ ասաց, որ պահանջում են կառավարությունը ԴՆԹ–ի սարքեր ներմուծի Հայաստան, որ գոնե տղաների մարմինները հանձնեն իրենց։ Անհետ կորած զինծառայողների ծնողներն ասում են, որ մինչ օրս որևէ գործընթաց տեղի չի ունեցել, և իրենք ի վիճակի չեն սպասել այլևս։

Փաշինյանը ներողություն է խնդրել գերեվարված ու անհետ կորած անձանց ընտանիքների անդամներից

Ծնողներից մեկը հրավիրվեց կառավարության ներկայացուցիչներից մեկի հետ հանդիպման։ Նշենք, որ ոստիկանները պատ են կազմել կառավարության շենքի առջև։ Բողոքի ակցիան շարունակվում է։

Հիշեցնենք, որ օրերս բողոքի ակցիա անող ծնողներին ընդունել էր նաև վարչապետ Նիկոլ Փաշինյանը։ Սակայն ծնողները հայտնել էին` հանդիպումն իրենց չի բավարարել, քանի որ վարչապետն ընդհանուր պատասխաններ է տվել իրենց հարցերին։

Սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Նոյեմբերի 20-ի տվյալներով՝ Արցախի ՊԲ-ն հրապարակել է 1678 զոհվածների անունները։

Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։ 

Անհետ կորածների, գերիների ու վիրավորների մասին պաշտոնական տվյալներ չկան։

Ըստ թեմայի

Անհետ կորած համարվող մի քանի զինվորի ողջ են գտել. Վիտալի Ոսկանյան
Գերիների և անհետ կորածների թեման շահարկվում է կառավարության բացթողումները ծածկելու համար
Դուք եկել եք՝ խաբեք, գնաք տուն. անհետ կորածների ծնողները դժգոհ են կառավարության աշխատանքից
թեգերը:
Բողոքի ակցիա, Նիկոլ Փաշինյան, անհետ կորած

Գլխավոր թեմաներ