11:20 26 փետրվարի 2021
Ուղիղ եթեր
  • USD526.97
  • GBP746.93
  • EUR643.96
  • RUB7.16
Հասարակություն
Ստանալ կարճ հղումը
36121

Ծնողները պահանջում են, որ վարչապետը երկօրյա ժամկետում տեսաուղերձով հանդես գա և տա իրենց հարցերի պատասխանները, այլապես պատրաստ են դիմել այլ կտրուկ քայլերի։

ԵՐԵՎԱՆ, 28 նոյեմբերի – Sputnik․ ՀՀ կառավարության շենքի մոտ բողոքի ակցիա անցկացնող, այժմ Արցախում ծառայություն իրականացնող ժամկետային զինծառայողների հարազատները պահանջագիր են ներկայացնում վարչապետ Նիկոլ Փաշինյանին։

Նրանք պահանջում են, որ վարչապետը Հանրային հեռուստաընկերության եթերում տեսաուղերձով հստակ նշի Արցախում գտնվող, ՀՀ քաղաքացի հանդիսացող ժամկետային զինծառայողներին ՀՀ տարածք վերադարձնելու գործընթացի ուղիները։

«Արդյոք պատրաստվում եք զինծառայողներին մինչև 10–օրյա ժամկետում փոխարինել պայմանագրային կամ այլ հիմունքով զինծառայողներով։ Ինչ ժամկետներում եք պատրաստվում ապահովել ներկայումս Արցախում գտնվող մեր որդիների՝ ժամկետային զինծառայողների տարրական սանիտարական հիգիենայի նորմերը, մարդկային տարրական այլ պահանջները՝ ծառայությունն անցկացնելու համար»,- նշված է պահանջագրում։

Ծնողները խնդրում և պահանջում են, որ վարչապետը երկօրյա ժամկետում տեսաուղերձով հանդես գա և իրենց հարցերի պատասխանները տա։ Այլապես պատրաստ են դիմել այլ կտրուկ քայլերի, որոնք չեն բխում Հայաստանի Հանրապետությունում այս պահին ստեղծված իրավիճակից, սակայն իրենք պատրաստ են գնալ դրան։

Պահանջագրի հրապարակումից հետո հարազատների շարքերում որոշ անհամաձայնություններ եղան։ Ոմանք պնդում էին, թե նշված 10-օրյա ժամկետը չափազանց երկար է և այլն։ Հիմա ծնողները հերթով մոտենում և ստորագրում են փաստաթուղթը։

Հիշեցնենք` երեկ երեկոյան վարչապետ Նիկոլ Փաշինյանն ընդունել էր ծնողներից մի քանիսին, լսել նրանց մտահոգությունները և խոստացել 2 օրում պատասխանել։ Սակայն ծնողները բավարարված չեն վարչապետի հետ հանդիպումից․ յուրաքանչյուր ժամը վտանգավոր են համարում իրենց զավակների կյանքի համար։ Նրանք այսօր առավոտից կրկին բողոքի ակցիա են անում կառավարության շենքի դիմաց։

 

Ըստ թեմայի

Ինչպես են զինվորները պաշտպանում Թաղավարդը, որի մի մասը թշնամուն է մնացել
«Այստեղ ենք եղել մինչև վերջ». հայ զինվորները հեռանում են Քարվաճառից. տեսանյութ
«Երկու տեղանի կռավաթ ես ուզո՞ւմ»․ Փաշինյանի պատասխանը` զինվորի հորը
թեգերը:
ծնող, զինծառայող, Նիկոլ Փաշինյան, Հայաստան

Գլխավոր թեմաներ