06:52 22 հունվարի 2021
Ուղիղ եթեր
  • USD518.89
  • GBP712.54
  • EUR629.98
  • RUB7.05
Հասարակություն
Ստանալ կարճ հղումը
378 0 0

Արցախում զինծառայություն անցնողները չեն կարող Հայաստան փոխադրվել, փորձելու են նրանց արձակուրդի հարցը կարգավորել։

ԵՐԵՎԱՆ, 28 նոյեմբերի – Sputnik․ Արցախում ժամկետային ծառայություն իրականացնող զինվորների հարյուրավոր ծնողներ հիմա էլ շարժվում են ՀՀ պաշտպանության նախարարություն։ Կառավարության մոտ առավոտից բողոքի ակցիա անցկացնող ծնողները սպասված պատասխանը չստացան։

Ավելի վաղ հայտնել էինք, որ նրանք ՀՀ վարչապետ Նիկոլ Փաշինյանին ուղղված պահանջագիր էին պատրաստել։

Քիչ առաջ նրանցից մի քանիսի հետ հանդիպեց վարչապետի մամուլի խոսնակ Մանե Գևորգյանը և նշեց՝ Արցախում ժամկետային զինծառայություն իրականացնողների ծառայությունը չի կարող դադարեցվել կամ նրանց չեն կարող փոխադրել Հայաստան։

Նա նշեց, որ հիմա փորձում են կարգավորել զինծառայողների արձակուրդի տրամադրման հարցը։ Ծնողների մեծ մասին այս պատասխանը չգոհացրեց։ Հնչեցին տարբեր կարծիքներ․ ոմանք առաջարկում էին մեկնել Արցախ, փորձել ՊԲ ղեկավարության հետ հարցի լուծում գտնել, ի վերջո, սակայն, որոշեցին 18։00 լինել ՀՀ պաշտպանության նախարարության դիմաց՝ իրենց բողոքն ու պահանջը պաշտպանական գերատեսչության ղեկավարությանը ներկայացնելու համար։

Ծնողներից շատերը նշում են՝ պատրաստ են իրենց որդիների փոխարեն առաջնագծում կանգնել, որովհետև իրենց զավակները 44-օրյա դժոխքի միջով են անցել, հիմա էլ անմարդկային պայմաններում են ապրում։

«Շիզոֆրենիայի 2 տեսակով տառապում է». Բալայանը փորձաքննություն է պահանջում վարչապետի համար

Հիշեցնենք` երեկ երեկոյան վարչապետ Նիկոլ Փաշինյանն ընդունել էր ծնողներից մի քանիսին, լսել նրանց մտահոգությունները և խոստացել 2 օրում պատասխանել։ Սակայն ծնողները բավարարված չեն վարչապետի հետ հանդիպումից․ յուրաքանչյուր ժամը վտանգավոր են համարում իրենց զավակների կյանքի համար։ Նրանք այսօր առավոտից կրկին բողոքի ակցիա են անում կառավարության շենքի դիմաց։

«Երկու տեղանի կռավաթ ես ուզո՞ւմ»․ Փաշինյանի պատասխանը` զինվորի հորը

 

Ըստ թեմայի

Սուտ է, որ նոյեմբերի 27-ին ավելի քան 10 հայ զինծառայող է գերեվարվել
Իրանում հայ զինվորների գտնվելու մասին տեղեկությունները չեն հաստատվել
Ինչպես են զինվորները պաշտպանում Թաղավարդը, որի մի մասը թշնամուն է մնացել
թեգերը:
Զինվոր, ծնող, Նիկոլ Փաշինյան, Հայաստան

Գլխավոր թեմաներ