08:19 22 հունվարի 2021
Ուղիղ եթեր
  • USD518.89
  • GBP712.54
  • EUR629.98
  • RUB7.05
Հասարակություն
Ստանալ կարճ հղումը
200 0 0

Դպրոցներում գրատախտակի մոտ կանչելու արգելքը, ինչպես նաև մյուս սահմանափակումները չեն գործի, միայն մեկ դրույթ կպահպանվի։

ԵՐԵՎԱՆ, 30 նոյեմբերի – Sputnik. ՀՀ կրթության, գիտության, մշակույթի և սպորտի նախարարությունը որոշում է կայացրել սույն թվականի դեկտեմբերի 7-ից վերսկսել առկա ուսուցման գործընթացը ՀՀ հանրակրթական ուսումնական հաստատությունների նաև 5-12-րդ դասարանների սովորողների համար։ Տեղեկությունը հայտնում է ՀՀ կրթության, գիտության, մշակույթի և սպորտի փոխնախարար Ժաննա Անդրեասյանը։

«Յուրաքանչյուր դպրոցի հանդեպ կկիրառվի առանձին մոտեցում՝ կախված դպրոցում դեպքերի թվից՝ ժամանակավոր հեռավար ուսուցման անցնելով։ Ռիսկի խմբում գտնվող երեխաները կշարունակեն հեռավար ուսուցումը՝ կենտրոնացված հեռավար ուսուցման միջոցով»,– Facebook–ի իր էջում գրել է նա։

Սմբատ Գոգյանն առաջարկում է լուծարել ԿԳՄՍ նախարարությունը

Ուղեցույցով սահմանված սահմանափակումները, ինչպես գրատախտակի մոտ կանչելու արգելքը ևն, չեն գործի՝ բացառությամբ 20 և ավել սովորողների դեպքում դասարանը խմբերի բաժանելու և ըստ այդմ ուսումնական պրոցեսը կազմակերպելու մասին դրույթի։

Հիշեցնենք, որ հաշվի առնելով համավարակի տարածմամբ ստեղծված իրավիճակը և ՀՀ առողջապահության նախարարության ցուցումը՝ ՀՀ կրթության, գիտության, մշակույթի և սպորտի նախարարությունը որոշում էր կայացրել երկարաձգել աշնանային արձակուրդը ևս երկու շաբաթով՝ մինչև նոյեմբերի 12-ը ներառյալ:

Ռազմագիտության չափորոշիչները պետք է վերանայել. ի՞նչ է պետք սովորեցնել ապագա զինվորներին

Նախատեսվածից 2 շաբաթ ավել արձակուրդից հետո ուսումնական տարին կավարտվի մի փոքր ուշ` հունիսի 18-ին, իսկ առաջին կիսամյակը կամփոփվի հունվարի 31-ին։ Դա չի վերաբերում 12-րդ դասարանցիներին. նրանք ուսումնական տարին կամփոփեն հունիսի 4-ին։ 

«Մի ամբողջ սերունդ կարող ենք կորցնել». ինչ պետք է անի կրթության նորանշանակ նախարարը

թեգերը:
կորոնավիրուս, դպրոց, Հայաստան

Գլխավոր թեմաներ