21:04 22 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Հասարակություն
Ստանալ կարճ հղումը
116 0 0

«Զինվորական ծառայության և զինծառայողի կարգավիճակի մասին» ու «Պետական նպաստների մասին» ՀՀ օրենքներում փոփոխությունների նախագծերի փաթեթը դեկտեմբերի 2-ին ուղարկվել է ՀՀ ԱԺ նախագահ Արարատ Միրզոյանին:

ԵՐԵՎԱՆ, 3 դեկտեմբերի - Sputnik. ՀՀ ԱԺ «Լուսավոր Հայաստան» խմբակցությունը շրջանառության մեջ է դրել օրենքների նախագծերի փաթեթ՝ գերության մեջ հայտնված և անհայտ կորած զինծառայողների ընտանիքների դրամական ապահովության խնդիրը կարգավորելու նպատակով։

Այս մասին Facebook-ի իր էջում գրառում է արել խմբակցության ղեկավար Էդմոն Մարուքյանը:

Ըստ նրա՝ նախագծով առաջարկվում է գերության մեջ հայտնված կամ ռազմական գործողությունների հետևանքով անհայտ կորած զինծառայողների, այդ թվում՝ կամավորական հիմունքներով մարտական գործողությունների մասնակիցների ընտանիքներին հատկացնել ամենամսյա դրամական օգնություն:

Բանն այն է, որ գործող օրենքով նախատեսվում է, որ գերի ընկած պայմանագրային զինծառայողները պահպանում են պաշտոնային դրույքաչափը, որը, սակայն, վճարվում է միայն այն բանից հետո, երբ հաստատվում է, որ նրանք գերության մեջ են հայտնվել ոչ զորամասը, ծառայության վայրը կամ մարտադաշտն ինքնակամ լքելու կամ կամովին գերի հանձնվելու հետևանքով:

«Գործող օրենքով, փաստացի, գերեվարված զինծառայողները դիտարկվում են մեղավոր՝ մինչ այն պահը, երբ նրանք կապացուցեն, որ հանցանք չեն գործել։ Այսինքն՝ խախտվում է Սահմանադրությամբ նախատեսված անմեղության կանխավարկածը։ Ավելին՝ սա բացարձակապես այն վերաբերմունքը չէ, որին արժանի են մեր զինծառայողները»,- օրենքի նախագծերի մասին իր գրառման մեջ նշում է Մարուքյանը:

Բացի այդ, գործող օրենքը որևէ պետական աջակցություն չի նախատեսում անհայտ կորած, գերի ընկած ժամկետային զինծառայողների, կամավորագրված կամ այլ քաղաքացիական անձանց համար, ինչը ևս, ըստ Մարուքյանի, անարդար է:

Օրենսդրական բացը հարթելու ու զինծառայողների սահմանադրական իրավունքը վերականգնելու համար «Լուսավոր Հայաստանը» համապատասխան փոփոխություններ է առաջարկում «Զինվորական ծառայության և զինծառայողի կարգավիճակի մասին», ինչպես նաև «Պետական նպաստների մասին» ՀՀ օրենքներում:

Նախագծերի փաթեթը դեկտեմբերի 2-ին խմբակցության ղեկավարն ուղարկել է ՀՀ ԱԺ նախագահ Արարատ Միրզոյանին:

երիների փոխանակման «բոլորը բոլորի դիմաց» սկզբունքը ձեռնտու է Բաքվին, իսկ Երևանի՞ն

Ըստ թեմայի

Պուտինն Ադրբեջանում պահվող հարյուրավոր գերիների հարցերով անձամբ է զբաղվում. Արա Աբրահամյան
Պետք է ամեն ինչ անել գերիների ու դիերի փոխանակումն արագացնելու համար. Ավինյան
ԿԽՄԿ պատվիրակության հետ քննարկվել են գերիների, անհայտ կորածների, դիերի փոխանակման հարցերը
թեգերը:
Օրենք, անհետ կորած, գերի

Գլխավոր թեմաներ