01:19 16 հունիսի 2021
Ուղիղ եթեր
  • USD515.68
  • GBP725.87
  • EUR625.16
  • RUB7.18
Հասարակություն
Ստանալ կարճ հղումը
58 0 0

Բագրատ Եսայանն ԱԱԾ–ի տարածած հաղորդագրության առնչությամբ դիմելու է ինչպես Մարդու իրավունքների պաշտպանին, այնպես էլ` դատարան։

ԵՐԵՎԱՆ, 3 դեկտեմբերի – Sputnik. ՀՅԴ անդամ Բագրատ Եսայանն ԱԱԾ-ում է. նա վստահեցնում է` եթե իրեն մեղադրանք չառաջադրեն, ԱԱԾ պետից պահանջելու է սկսել ծառայողական քննություն` պարզելու, թե ով է պատրաստել ու տարածել նման հաղորդագրություն։

ԱԱԾ–ն հաղորդագրություն էր տարածել` հայտնելով, որ նոյեմբերի լույս 10-ի առավոտյան, երբ մարդիկ ներխուժել են ԱԺ-ի, կառավարության շենք, փչացրել գույք, ցուցարարների շրջանակում եղել մի շարք քաղաքական ուժերի աջակիցներ։ Մասնավորապես, նշվում էր, որ ՀՅԴ–ի աջակիցներն ու ՀՅԴ–ականներ էլ կային դեպքի վայրում. ԱԱԾ տեսանյութում Բագրատ Եսայանի նկարն էին ցուցադրում որպես օրինակ։

«Եկել եմ պահանջելու, որ ինձ ներկայացնեն այն մեղադրանքը, որը հիմք է հանդիսացել իմ նկարն իրենց տեսանյութում զետեղելու։ Ես պատրաստվում եմ դիմել նաև Մարդու իրավունքների պաշտպանին, քանի որ խախտվում է անմեղության կանխավարկածը, դիմելու եմ նաև դատարան` պատվի, արժանապատվության վիրավորման հիմքով։ Բացի այդ, դիմելու եմ դատախազություն` ԱԱԾ տարածած հաղորդագրության համար»,–ասաց Եսայանը։

Նրա խոսքով` այժմ ԱԱԾ–ից ուզում է հարցնել` ի՞նչ կարգավիճակ ունի, հետախուզման մե՞ջ է, թե ոչ։ Եսայանը կարծում է, որ առնվազն պետական հեղաշրջման փորձ կատարելու մեջ իրեն պետք է մեղադրեն։ ՀՅԴ–ականը վստահ է` քրեական հոդվածներով քաղաքական հետապնդում սկսելու փորձ է իր դեմ կատարվածը։

«Մայթից են գողանում». Փաշինյանի հրաժարականի պահանջով ակցիա անողներին բերման են ենթարկում

Եսայանը հայտնեց նաև, որ մեկ անգամ հարցաքննել են իրեն, սակայն վկայի կարգավիճակով։

Հիշեցնենք, որ Արցախյան պատերազմի հարցով եռակողմ հայտարարության ստորագրումից հետո` նոյեմբերի 9–ի լույս 10–ի գիշերը, Երևանում զանգվածային ակցիաններ և անկարգություններ էին տեղի ունեցել ՀՀ կառավարության և Ազգային ժողովի մոտ և շենքերի ներսում։

ԱԺ նախագահ Արարատ Միրզոյանը ծեծի է ենթարկվել, նրան տեղափոխել էին հիվանդանոց։

Այս գործով կան ձերբակալվածներ։

Ըստ թեմայի

«Մայթից են գողանում». Փաշինյանի հրաժարականի պահանջով ակցիա անողներին բերման են ենթարկում
«Որ մեզ հետ էլ հաշվի նստեն որպես ազգ»․ Փաշինյանի հրաժարականը պահանջող երիտասարդների երգը
Ինչու Փաշինյանը հրաժարական չի տալիս, կամ վարչապետի ինքնապաշտպանվելու տարբերակը
թեգերը:
Եռակողմ հայտարարություն, ՀՀ ազգային անվտանգության ծառայություն. ԱԱԾ, Բագրատ Եսայան

Գլխավոր թեմաներ