06:39 19 հունվարի 2021
Ուղիղ եթեր
  • USD522.19
  • GBP706.58
  • EUR629.92
  • RUB7.03
Հասարակություն
Ստանալ կարճ հղումը
150 0 0

Արաբկիրի նախկին վարչական ղեկավարը ՀՀԿ անդամ է։ Նրա նկատմամբ որպես խափանման միջոց ընտրվել է կալանավորումը։

ԵՐԵՎԱՆ, 4 դեկտեմբերի - Sputnik. Արաբկիր համայնքի նախկին ղեկավարը հետախուզվում է պաշտոնեական լիազորությունները չարաշահելու համար։ ՀՀ քննչական կոմիտեի մամուլի ծառայության հաղորդմամբ՝ քննչական վարչության ծանր հանցագործությունների քննության բաժնում քննվող քրեական գործով պարզվել է, որ վերջինս պաշտոնեական դիրքն օգտագործել է ծառայության շահերին հակառակ։ Դրա հետևանքով Արաբկիր համայնքի իրավունքներին ու օրինական շահերին պատճառվել է էական վնաս, որն անզգուշությամբ առաջացրել է ծանր հետևանքներ:

«Մասնավորապես՝ Երևան համայնքին պատկանող և ՀՀ հողային օրենսգրքի 60-րդ հոդվածի սահմանափակումների մեջ ընդգրկված «Արաբկիր» զբոսայգու տարածքից 1500 քմ. մակերեսով հողատարածքը 2007թ. ապրիլի 25-ին ուղիղ վաճառքի եղանակով, 19.367.755 ՀՀ դրամով օտարվել է Արաբկիրի թաղապետարանի ենթակայությամբ հիմնադրված «Մաքուր Արաբկիր» ՓԲ ընկերության տնօրեն, համայնքի նախկին ղեկավարի հետ բարեկամական կապերի մեջ գտնվող անձին, որն իր հերթին նշված հողատարածքը, շուրջ մեկ տարի անց՝ 2008թ. ապրիլի 8-ին, մի քանի անգամ թանկ արժեքով՝ 184.200.000 ՀՀ դրամով, վերավաճառել է մեկ այլ քաղաքացու»,- նշված է հաղորդագրության մեջ։

Որոշում է կայացվել համայնքի նախկին ղեկավարին ՀՀ քրեական օրենսգրքի 308-րդ հոդվածի (պաշտոնեական լիազորությունները չարաշահելը) 2-րդ մասով որպես մեղադրյալ ներգրավելու մասին։ Նրա նկատմամբ հայտարարվել է հետախուզում, որպես խափանման միջոց ընտրվել է կալանավորումը։

Նախաքննությունը շարունակվում է։

Նշենք, որ 2007թ. Արաբկիր համայնքի ղեկավարի պաշտոնը զբաղեցրել է ՀՀԿ-ական Հովհաննես Շահինյանը։

Հերթը հասավ Մհեր Սեդրակյանին. Էրեբունու նախկին թաղապետին մեղադրանք է առաջադրվել

Ըստ թեմայի

Նոր Նորքի նախկին թաղապետին մեղադրանք է առաջադրվել
Նոր պաշտոնանկություն. Կենտրոնի թաղապետը հրաժարականի դիմում է ներկայացրել
Կենտրոնի թաղապետին համոզում են մնալ. «Հրապարակ»
թեգերը:
Այգի, հետախուզվող, թաղապետ, Քննչական կոմիտե

Գլխավոր թեմաներ