23:49 23 հուլիսի 2021
Ուղիղ եթեր
  • USD483.42
  • GBP664.12
  • EUR568.89
  • RUB6.57
Հասարակություն
Ստանալ կարճ հղումը
2664 0 0

Էջմիածնի զինկոմիսարիատից դեպի Արցախ մեկնած ու հոկտեմբերի 21-ին անհետ կորած 34 տղաներից մեկը, պարզվում է`մորը նամակ է գրել ու հայտնել, որ ինքը թուրքերի տարածքում է։

ԵՐԵՎԱՆ, 6 դեկտեմբերի – Sputnik. Էջմիածնի զինկոմիսարիատից զորակոչված և անհետ կորած քիմիկներից մեկը` 25-ամյա պայմանագրային մի զինծառայող (ՀՀ Զինված ուժերի ռադիացիոն, քիմիական, կենսաբանական պաշտպանության զորքեր), նույնը օրը, երբ իրենց տարել են Կովսական (Զանգելան), կապի է դուրս եկել ընտանիքի հետ։

Նշենք, որ այդ զորամասից զորակոչված անհետ կորած զինվորների ծնողներն այժմ հանդիպում են ՀՀ ԶՈւ գլխավոր շտաբի պետ Օնիկ Գասպարյանի հետ։ Վաղ առավոտից նրանք բողոքի ակցիա էին անում Էջմիածնի զինկոմիսարիատի մոտ։

Акция протеста родственников пропавших без вести военнослужащих перед воинской частью (8 декабря 2020). Эчмиадзин
© Sputnik / Asatur Yesayants
Սիրանուշ Ալեքսանյանը

Տղայի քույրը` Սիրանուշ Ալեքսանյանը, Sputnik Արմենիայի հետ զրույցում պատմեց` հոկտեմբերի 21-ին քիմիկների 60 հոգանոց խմբին տարել են Կովսական, և հենց այդ օրվանից էլ նրանցից 34-ից այլևս որևէ լուր չունեն։ Միայն իր եղբայրն է հոկտեմբերի 21-ին ընտանիքին պարբերաբար հաղորդագրություն ուղարկել։

«Աղաչում եմ, չլացես, մամ»,–գրել է տղան։ Մեկ րոպե անց նորից նամակ է ուղարկել.«Թեթև տարեք, չլացեք։ Հերոս ունես, մամ ջան, շատ եմ ձեզ սիրում։ Իմ կյանքն էլ սենց դասավորվեց։ Հերոս կմնամ։ Դուխով։ Հենց հիմա թուրքերի տարածքում եմ, հելնեմ կխփեն»։

Սիրանուշն ասում է` այդ օրը եղբոր հետ պարբերաբար կապի մեջ են եղել մինչև երեկո։ Իսկ հաջորդ օրն առավոտյան արդեն եղբայրն անհասանելի է եղել։ Նամակագրության մասին հայտնել են համապատասխան մարմիններին։ Հեռախոսահամարի միջոցով պարզել են` հոկտեմբերի 22-ի առավոտյան տղան հեռախոսը մեկ անգամ միացրել է, սակայն մարտկոցը նստել ու անջատվել է։ Սիրանուշը հայտնեց` Կարմիր խաչի միջազգային կոմիտեի հայաստանյան գրասենյակին տրամադրել են անհետ կորած 34 զինծառայողների տվյալները։ Սակայն գերիների ցանկում վերոհիշյալ տղաների անունները չկան։

Անհետ կորած զինծառայողներից մեկի հայրն էլ` Տիգրանը, ասաց, որ ՊՆ–ից միայն մեկ պահանջ ունեն` ՊՆ–ն պետք է կապ հաստատի ՌԴ խաղաղապահ զորախմբի հրամանատար, գեներալ-լեյտենանտ Ռուստամ Մուրադովի հետ և նրան խնդրի` Կովսականի տարածքում որոնեն իրենց տղաներին։

Անհետ կորած զինծառայողների ծնողները նշում են`եթե լուծում չտրվի իրենց խնդրին, եթե նորից խոստանան ու ոչինչ էլ չանեն, ապա հացադուլ են սկսելու հենց ՊՆ–ի դիմաց։

ՀՀ ՔԿ պաշտոնական տվյալներով` Ադրբեջանում պատերազմի սկզբից գերեվարված 20 հայ կա` զինվորականներ և խաղաղ բնակիչներ։

Ավելի վաղ Ադրբեջանը գերի էր վերցրել Հադրութի երկու խաղաղ բնակչի՝ 85-ամյա Եվգենյա Բաբայանին, որը ԿԽՄԿ միջնորդությամբ վերադարձվել էր Հայաստանին, և 84-ամյա Միշա Մելքումյանին, որը մահացել էր Բաքվում:

Տղամարդու դիակը ստանալուց և դատաբժշկական փորձաքննությունից հետո ՀՀ քննչական կոմիտեն հայտնել էր, որ նրա մահը եղել է բռնի ու տեղի է ունեցել գանգուղեղային վնասվածքի հետևանքով:

Իրավապաշտպան Արտակ Զեյնալյանը նոյեմբերի 23-ին 17 գերիների անուններ էր հրապարակել։

Արցախի մարդու իրավունքների պաշտպան Արտակ Բեգլարյանը դեկտեմբերի 2-ին հայտնեց, որ պաշտպանի աշխատակազմի գտած տեսանյութերից արդեն կարողացել են առանձնացնել գրեթե 60 ռազմագերու, որոնցից միայն փոքր մասի ինքնությունը դեռ չեն կարողացել պարզել: Առանձին փաստահավաք գործունեություն են իրականացնում նաև ներկալված ու բռնի անհետացած քաղաքացիական անձանց մասով, որոնց թիվը հասնում է շուրջ 40-ի:

Ըստ թեմայի

Արցախի նախագահը հանդիպել է ԱՀ ուժային կառույցների ղեկավարների հետ
Փաշինյանը խոսել է Զինծառայողների ապահովագրության հիմնադրամի հետագա անելիքների մասին
«Նիկոլ, դավաճան». ակցիայի մասնակիցները կոչ են անում փակել Երևանի փողոցները
թեգերը:
Օնիկ Գասպարյան, ՀՀ Պաշտպանության նախարարություն (ՊՆ), Բողոքի ակցիա, նամակ, զինծառայող, ծնող, անհետ կորած

Գլխավոր թեմաներ