17:29 23 ապրիլի 2021
Ուղիղ եթեր
  • USD521.89
  • GBP724.44
  • EUR629.24
  • RUB6.94
Հասարակություն
Ստանալ կարճ հղումը
857 0 0

ՀՀ Տավուշի մարզպետ Հայկ Չոբանյանը հույս ունի, որ Ադրբեջանում մնացած մյուս հայ գերիներն էլ շուտով տուն կվերադառնան։

ԵՐԵՎԱՆ, 15 դեկտեմբերի – Sputnik. Ադրբեջանից Հայաստան վերադարձած 44 գերիների շարքում են նաև տավուշցի երկու տղաները, որոնցից մեկը գերության մեջ էր հայտնվել մինչև արցախյան պատերազմը։ Տեղեկությունը Facebook-ի իր էջում հայտնել է ՀՀ Տավուշի մարզպետ Հայկ Չոբանյանը։

«Անցած գիշեր հայրենիք վերադարձած 44 տղաների շարքում էին նաև տավուշցի Նարեկ Ամիրջանյանը և Կարեն Ղազարյանը, ով գերության մեջ էր գտնվում 2018 թ.-ից»,-գրել է Չոբանյանը

Տավուշի մարզպետը շնորհավորել է տղաներին և նրանց հարազատներին։

«Հուսանք, որ մնացածները ևս շուտ կվերադառնան իրենց ընտանիքներ»,-նշել է Տավուշի մարզպետը։

Հիշեցնենք` դեկտեմբերի 14-ին մեկնարկել է գերիների ու պատանդների փոխանակման գործընթացը Հայաստանի ու Ադրբեջանի միջև, որի շրջանակներում Ադրբեջան է վերադարձել 12 մարդ, իսկ Հայաստան՝ 44 մարդ։ Նրանցից 14-ը քաղաքացիական, 30-ը՝ զինվորական անձինք են։

Կողմերի միջև պայմանավորվածություն է ձեռք բերվել փոխանակումը կատարել «բոլորը բոլորի դիմաց» սկզբունքով։ ՀՀ փոխվարչապետ Տիգրան Ավինյանը հայտնել է, որ այս փուլում վերադարձվում են այն հայ գերիները, որոնց գերեվարված լինելու փաստը հաստատված է Ադրբեջանի և Կարմիր խաչի կողմից։

Նշենք, որ պաշտոնական տվյալներ չկան արցախյան պատերազմում հայկական կողմի անհետ կորածների, գերիների ու վիրավորների թվի մասին։

Դեռ առկա են անհետ կորած բազմաթիվ ռազմագերիներ ու տասնյակ քաղաքացիական անձինք. Արցախի ՄԻՊ

Ըստ թեմայի

ՀՀ ՄԻՊ Արման Թաթոյանը դիմավորել է հայ գերիներին. այժմ նա հոսպիտալում է
«Ախպեր, նորից կարդա ազգանունը, չեմ հավատում». գերիների հարազատներն օդանավակայանում էին
44 հայ գերիների ժամանումը Երևան. տեսանյութ
թեգերը:
Արցախ, Հայկ Չոբանյան, Կարեն Ղազարյան, գերի

Գլխավոր թեմաներ