ԵՐԵՎԱՆ, 15 դեկտեմբերի – Sputnik․ Հայաստանի Հանրապետության տարածքային կառավարման և ենթակառուցվածքների նախարարի տեղակալ Արմեն Սիմոնյանը 2020 թվականի դեկտեմբերի 17-19-ը կգործուղվի Մոսկվա։ Այս մասին տեղեկանում ենք ՀՀ վարչապետի համապատասխան որոշումից։
Մոսկվա այցի շրջանակներում Արմեն Սիմոնյանը կքննարկի «Հարավկովկասյան երկաթուղի» ՓԲԸ-ի հետագա գործունեության հետ կապված հարցերը։
Գործուղումից վերադառնալուց հետո եռօրյա ժամկետում Արմեն Սիմոնյանը պետք է Ռուսաստանի Դաշնություն գործուղման արդյունքների մասին հաշվետվություն ներկայացնի Հայաստանի Հանրապետության վարչապետի աշխատակազմին և Հայաստանի Հանրապետության արտաքին գործերի նախարարությանը: