12:55 23 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Հասարակություն
Ստանալ կարճ հղումը
510 0 0

Նարեկ Սարդարյանը դեկտեմբերի 14-ին Հայաստան վերադարձած գերիների 44 հոգանոց խմբի մեջ չի եղել։

ԵՐԵՎԱՆ, 15 դեկտեմբերի - Sputnik. Մինչև Արցախյան 44-օրյա պատերազմը մոլորված և ադրբեջանցիների կողմից գերեվարված Սյունիքի մարզի Ներքին Խնձորեսկի բնակիչ Նարեկ Սարդարյանը վերադարձվել է Հայաստան։ Այս մասին Facebook-ի էջում տեղեկացնում է Հայաստանի վարչապետ Նիկոլ Փաշինյանի խոսնակ Մանե Գևորգյանը։

«Սյունիքի մարզի Ներքին Խնձորեսկ համայնքի բնակիչ Նարեկ Սարդարյանը, ով այս տարվա հուլիսին անզգուշորեն հատել էր Ադրբեջանի սահմանը, այսօր վերադարձվել է Հայաստանի Հանրապետություն», – գրել է Գևորգյանը։

Մանե Գևորգյանը Sputnik Արմենիայի հետ զրույցում ասաց, որ Նարեկ Սարդարյանը դեկտեմբերի 14-ին Հայաստան վերադարձած գերիների 44 հոգանոց խմբի մեջ չի եղել։

«Չենք կարող ասել` ինչպես է հանձնվել Հայաստանին, բայց գերիների առաջին խմբում չի եղել», – ասել է վարչապետի խոսնակը։

Հիշեցնենք՝ 30-ամյա Նարեկ Սարդարյանը 2020-ի հուլիսի 8-ին ֆերմայից դուրս էր եկել, գնացել արոտավայր և չէր վերադարձել։

Փաշինյանը հանդիպել է դեռևս Ադրբեջանում մնացած գերիների հարազատներին. խոսնակ

Հուլիսի 15-ին Ադրբեջանը տեսանյութ հրապարակեց, որտեղ Նարեկ Սարդարյանն իբր խնդրում է Ադրբեջանի քաղաքացիություն տալ իրեն կամ ուղարկել երրորդ երկիր։ Հուլիսի 19-ին Սարդարյանի կնոջ, ծնողների, քրոջ անունից Արտակ Զեյնալյանի ու Արայիկ Ղազարյանի միջոցով դիմում էր ներկայացվել ՄԻԵԴ: Դիմումատուները Մարդու իրավունքների եվրոպական դատարանից պահանջում էին Ադրբեջանի նկատմամբ հրատապ միջոց կիրառել Նարեկ Սարդարյանի ֆիզիկական և հոգեբանական անձեռնմխելիությունը ապահովելու համար:

Դեկտեմբերի 14-ին մեկնարկեց գերիների ու պատանդների փոխանակման գործընթացը Հայաստանի ու Ադրբեջանի միջև, որի շրջանակում Ադրբեջան վերադարձան 12, իսկ Հայաստան՝ 44 մարդ։ Նրանցից 14-ը քաղաքացիական, 30-ը՝ զինվորական անձինք են։

Կողմերի միջև պայմանավորվածություն է ձեռք բերվել փոխանակումը կատարել «բոլորը բոլորի դիմաց» սկզբունքով։
ՀՀ փոխվարչապետ Տիգրան Ավինյանը հայտնեց, որ այս փուլում վերադարձվում են այն հայ գերիները, որոնց գերեվարված լինելու փաստը հաստատված է Ադրբեջանի և Կարմիր խաչի կողմից։

Ըստ թեմայի

Կան վիրավորներ. 44 հայ գերիների վերադարձի լուսանկարները
Սոցցանցերում չտարածել գերիների տվյալները․ Անձնական տվյալների պաշտպանության գործակալություն
«Ոնց էլ լինի` անուններ կտա». անհետ կորած զինվորներից մեկը գերիների խմբի հետ վերադարձել է
թեգերը:
գերի, Մանե Գևորգյան (ՀՀ վարչապետի մամուլի խոսնակ), Նարեկ Սարդարյան

Գլխավոր թեմաներ