03:55 18 ապրիլի 2021
Ուղիղ եթեր
  • USD522.20
  • GBP719.54
  • EUR625.49
  • RUB6.89
Հասարակություն
Ստանալ կարճ հղումը
1918 0 0

Արարատ Միրզոյանը Հանրապետության Հրապարակից մեկնարկած երթի սկզբում քայլում էր վարչապետ Նիկոլ Փաշինյանի կողքով։

ԵՐԵՎԱՆ, 19 դեկտեմբերի – Sputnik. Դեպի Եռաբլուր կազմակերպված սգո երթի ժամանակ ՀՀ ԱԺ նախագահ Արարատ Միրզոյանի ինքնազգացողությունը վատացել է։ Նա ստիպված է եղել կիսատ թողնել երթն ու կնոջ հետ հեռանալ։ Տեղեկությունը Sputnik Արմենիային հայտնեց Միրզոյանի օգնական Վահան Կոստանյանը։

«Արարատ Միրզոյանը վիրահատություններից հետո դեռ լիովին չի ապաքինվել։ Այս պահին նա իրեն լավ է զգում»,–ասաց Կոստանյանը։

Հավելենք, որ Միրզոյանը Հանրապետության Հրապարակից մեկնարկած երթի սկզբում քայլում էր ՀՀ վարչապետ Նիկոլ Փաշինյանի կողքին։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Նրա հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Միրզոյանը դրանից հետո երկու անգամ վիրահատության ենթարկվեց։

Դեկտեմբերի 1–ին նա ոչ ամբողջական գրաֆիկով վերադարձավ աշխատանքի։

Ըստ թեմայի

Երևանյան անկարգություններին մասնակցել են նաև քաղաքապետարանի աշխատակիցներ. ավագանու անդամ
Արարատ Միրզոյանը ոչ ամբողջական գրաֆիկով վերադարձել է աշխատանքի
ԱԱԾ–ն Արարատ Միրզոյանի ծեծի թեմայով գաղտնալսված խոսակցություններ է հրապարակել. տեսանյութ
Վոլոդինը ՀԱՊԿ-ի գործընկերներին պատմել է Արարատ Միրզոյանի վիճակի մասին
թեգերը:
երթ, Արարատ Միրզոյան

Գլխավոր թեմաներ