10:22 26 փետրվարի 2021
Ուղիղ եթեր
  • USD526.97
  • GBP746.93
  • EUR643.96
  • RUB7.16
Հասարակություն
Ստանալ կարճ հղումը
Լևոն Արոնյանի վերելքներն ու վայրէջքները (116)
163 0 0

Շախմատիստը հիշել ու պատմել է, թե ինչպես էին ամեն տարի նշում Արիաննայի ծննդյան օրը, և ինչպես էր նա այս օրը տոնի վերածում բոլորի համար։

ԵՐԵՎԱՆ, 22 դեկտեմբերի – Sputnik. Հայտնի հայ գրոսմայստեր Լևոն Արոնյանի հանգուցյալ կնոջ` Արիաննա Կաոիլիի ծննդյան օրն է այսօր։ Վաղամեռիկ կնոջը Facebook–ի իր էջում շնորհավորական նամակ է գրել Արոնյանը։

Հավատում եմ, որ սա կլինի պատմության մեջ մեր վերջին անհաջողությունը. Լևոն Արոնյան

«Երկար տարիներ սա այն օրն էր, որ սպասում էի։ Սպասում էի, որ տեսնեի Արիաննայի ժպիտը, լսեի, թե ինչպես է նա ուրախությամբ ասում. «Այսօ՜ր իմ ծննունդն է», տեսնեի, թե ինչպես է նա ուրախությամբ բացում նվերները, ստիպում այս օրը հատուկ դարձնել իր համար»,–գրել է Արոնյանը։

Շախմատիստը նշել է, որ վերջին տարիներին ինքն իր ծննդյան օրը գրեթե չի նշել, քանի որ մրցաշարերով, պարապմունքներով տարված` հաճախ ծննդյան օրը 2–րդ պլան էր անցնում։ «Մենք միշտ մեծ տոն էինք կազմակերպում դեկտեմբերի վերջին` Արիանայի ծննդյան օրվանից սկսած ու նաև իմ ծննդյան օրն էինք նշում»,–գրել է Արոնյանը (Լևոն Արոնյանը ծնվել է հոկտեմբերի 6–ին):

Արոնյանն իր տխրությունն է արտահայտել, որ այս տարի չի կարող նրբորեն գրկել ու շնորհավորել կնոջը։

«Սիրելի Արիանա, ես օրհնված եմ Աստծո կողմից, նա իմ կյանք է բերել Անիին, ով հասկանում է, թե ինչ ես նշանակում դու ինձ համար և հարգում է իմ զգացմունքը: Մենք միշտ կհիշենք քեզ, կհիշենք այն լավը, որ դու թողել ես այս աշխարհում քեզանից հետո։ Սիրով, քո Առյուծ»,–իր շնորհավորանքն ավարտել է Արոնյանը։

Հիշեցնենք` Արոնյանի կյանքում ամիսներ առաջ դժբախտություն տեղի ունեցավ։ Մարտի 31-ին մահացավ նրա կինը՝ 33-ամյա Արիանա Կաոիլին, որն ավտովթարի էր ենթարկվել։

Արոնյանն ու Կաոիլին հանդիպում էին 2006 թվականից, բայց ամուսնացել էին 2017-ին։ Մի քանի ամիս անց հայտնի դարձավ, որ Արոնյանը նոր ընտրյալ ունի` Անիտա Այվազյանը։

թեմա:
Լևոն Արոնյանի վերելքներն ու վայրէջքները (116)
թեգերը:
շնորհավորանք, ծնունդ, Կին, Արիանա Կաոիլի, Լևոն Արոնյան

Գլխավոր թեմաներ