09:49 21 հունվարի 2021
Ուղիղ եթեր
  • USD519.19
  • GBP711.08
  • EUR629.57
  • RUB7.08
Հասարակություն
Ստանալ կարճ հղումը
75 0 0

Արծվիկ Մինասյանը կառավարության անդամներին կոչ արեց «քվեարկել դավաճանին պաշտոնանկ անելու համար»։

ԵՐԵՎԱՆ, 24 դեկտեմբերի - Sputnik. Հանրապետության հրապարակում կառավարության շենքի մոտ հավաքված ընդդիմադիրները ՀՀ կառավարության անդամներից պահանջում են պաշտոնանկ անել վարչապետին։

Պահանջը հրապարակեց ՀՅԴ ԳՄ անդամ Արծվիկ Մինասյանը։

«Ժողովրդի առաջ ստանձնած ձեր առաջին, կարևոր պարտավորությունն է` կատարել ժողովրդի պահանջը, այն է` Նիկոլ Փաշինյանին պաշտոնանկ անել։ Երկրորդ պահանջը` ՀՀ ինքնիշխանության ու Հայաստանի շահերի պաշտպանության դավաճանած մարդուն հեռացնել պաշտոնից»,– ասաց Մինասյանը։

Նրա խոսքով, կառավարության ցանկացած անդամ այս պահանջը պետք է որպես Սահմանադրությամբ ստանձնած պարտավորություն ընդունի, հակառակ դեպքում կհամարվի դավաճան։

«Եթե արդեն ներսում եք գտնվում, պատրաստվեք քվեարկել դավաճանին պաշտոնանկ անելու համար»,– կառավարության շենքում գտնվող նախարարներին դիմեց Մինասյանը։

Նա նաև հայտարարեց, որ Փաշինյանը պետք է դատվի։

Մենք իշխանության չենք ձգտում. Սեյրան Օհանյանը միացել է ընդդիմության հանրահավաքին

«Երաշխավորում ենք, որ նա իր արժանի պատիժը կստանա արդար դատական համակարգով»,– ասաց նա։

Հիշեցնենք, որ Հայաստանում բողոքի ակցիաները՝ վարչապետի հրաժարականի պահանջով, սկսվել են նոյեմբերի 9-ին Արցախում հրադադար հաստատելու վերաբերյալ եռակողմ հայտարարության ստորագրումից հետո։

Ընդդիմադիր կուսակցությունների նախաձեռնությամբ ստեղծվել է Հայրենիքի փրկության շարժում, որը վարչապետի միասնական թեկնածու ունի` Հանրային խորհրդի նախկին նախագահ Վազգեն Մանուկյանը։

Դեկտեմբերի 22–ից ընդդիմադիրները նստացույց են հայտարարել ու գիշերում են Հանրապետության հրապարակում տեղադրված վրաններում։

Ըստ թեմայի

Վրաններ, կարտոֆիլի պլեճ, ձյուն. ընդդիմադիրները գիշերել են հրապարակում. տեսանյութ
Ընդդիմությունը Փաշինյանի հրաժարականի պահանջով հանրահավաք սկսեց. տեսանյութ
Հայրենիքի փրկության շարժման հանրահավաքը Երևանում՝ լուսանկարներով
թեգերը:
Արծվիկ Մինասյան, ընդդիմություն, Հրաժարական, կառավարություն

Գլխավոր թեմաներ