12:09 27 հունվարի 2021
Ուղիղ եթեր
  • USD518.26
  • GBP707.79
  • EUR628.49
  • RUB6.86
Հասարակություն
Ստանալ կարճ հղումը
46 0 0

Նիկոլ Փաշինյանի հրաժարականի պահանջով բողոքի ակցիայի մասնակիցները նշում են` ոստիկանությունն անհամատեղելի ուժ է գործադրում։

ԵՐԵՎԱՆ, 24 դեկտեմբերի – Sputnik. ՀՀ վարչապետ Նիկոլ Փաշինյանի հրաժարականի պահանջով բողոքի ակցիա անողները միացան Հանրապետության հրապարակում նստացույց անողներին։ Լրագրողների հետ զրույցում ՀՅԴ երիտմիության անդամ Քրիստինե Վարդանյանը հայտնեց` այս պահին միացել են նստացույց անողներին, իսկ հետագա քայլերի մասին ավելի ուշ կհայտնեն։

«Բողոքի գործողությունները շարունակվելու են այնքան ժամանակ, քանի դեռ վարչապետի պաշտոնը զբաղեցնում է Նիկոլ Փաշինյանը։ Այժմ Երևանի մի քանի փողոցներ են փակ, և բոլորս նույն պահանջն ունենք`վարչապետի հրաժարականը»,–ասաց Քրիստինեն։

Նրա խոսքով` քիչ առաջ, երբ փակել են Տիգրան Մեծ, Ամիրյան և Նալբանդյան փողոցները, ոստիկաններն անհավասար ուժ են կիրառել, ինչի հետևանքով բաժին տեղափոխված ակցիայի մասնակիցներից մեկը վնասվածք է ստացել։

Նշենք, որ այս պահին բողոքի ակցիաները շարունակվում են, և մի շարք փողոցներ փակ են։

Հիշեցնենք` ՀՀ վարչապետ Նիկոլ Փաշինյանի հրաժարականի պահանջով բողոքի ակցիաներն անցկացվում են Արցախում հրադադար հաստատելու վերաբերյալ եռակողմ հայտարարության ստորագրումից հետո։

Բերման են ենթարկել Յուրի Խաչատուրովի որդուն ու մոտ 70 այլ ցուցարարի

Ընդդիմադիր կուսակցությունների նախաձեռնությամբ ստեղծվել է «Հայրենիքի փրկության շարժում», որը վարչապետի միասնական թեկնածու ունի` Հանրային խորհրդի նախկին նախագահ Վազգեն Մանուկյանը։

Դեկտեմբերի 22–ից ընդդիմադիրները նստացույց են հայտարարել ու գիշերում են Հանրապետության հրապարակում տեղադրված վրաններում։

Ըստ թեմայի

Բողոքի ակցիա՝ կառավարության շենքի մոտ. կան տուժածներ ու բերման ենթարկվածներ
Լարված իրավիճակ Երևանի Բաղրամյան փողոցում
Անհնազանդության ակցիաները շարունակվում են. ընդդիմությունը փակում է Երևանի փողոցները
թեգերը:
Բողոքի ակցիա, Երևան, Հանրապետության հրապարակ, Հայաստան

Գլխավոր թեմաներ