09:11 21 հունվարի 2021
Ուղիղ եթեր
  • USD519.19
  • GBP711.08
  • EUR629.57
  • RUB7.08
Հասարակություն
Ստանալ կարճ հղումը
50 0 0

ՀՀ քննչական կոմիտեն մանրամասներ է հայտնել 65–ամյա կնոջ կողմից թեթև աստիճանի մտավոր հետամնացություն ունեցող անձին աշխատանքային շահագործման ենթարկելու մասին։

ԵՐԵՎԱՆ, 25 դեկտեմբերի – Sputnik. «Վարդենիս նյարդահոգեբանական տուն-ինտերնատ» ՊՈԱԿ-ի կադրերի տեսուչն աշխատանքային շահագործման է ենթարկել հոգեկան ֆունկցիաների խանգարման հետևանքով իր արարքի բնույթն ու նշանակությունը մասամբ գիտակցելու հնարավորությունից զրկված անձին: ՀՀ քննչական կոմիտեն հայտնում է, որ բազմակողմանի քննությամբ պարզվել են այդ դեպքի հանգամանքները։

Քննությամբ ձեռք բերված փաստական տվյալների համաձայն՝ «Վարդենիս նյարդահոգեբանական տուն-ինտերնատ» ՊՈԱԿ-ի կադրերի տեսուչը` Վարդենիս քաղաքի 65-ամյա բնակչուհին, իր պաշտոնեական դիրքը օգտագործելով, «Թեթև աստիճանի մտավոր հետամնացություն և վարքային խանգարումներ» ախտորոշմամբ՝ նշված ՊՈԱԿ-ի բնակչուհուն իր կողմից բացված մթերային խանութում առանց աշխատանքային պայմանագրի ընդունել է աշխատանքի՝ որպես վաճառողուհի։ Նա 2002-2018թթ. ընթացքում աշխատել է նշված խանութում շաբաթվա հինգ օրերին՝ առավոտյան ժամը 10:00-ից մինչև 17:30-ը: 65-ամյա կինը, օգտվելով ՊՈԱԿ-ի բնակչուհու վիճակի խոցելիությունից, չի վարձատրել նրան՝ ենթարկելով աշխատանքային շահագործման:

Ձեռք բերված բավարար ապացույցների համակցությամբ՝ 65-ամյա կնոջը մեղադրանք է առաջադրվել՝ ՀՀ քրեական օրենսգրքի 132.2-րդ հոդվածի  (Երեխայի կամ հոգեկան խանգարման հետևանքով իր արարքի բնույթն ու նշանակությունը գիտակցելու կամ դա ղեկավարելու հնարավորությունից զրկված անձի թրաֆիքինգը կամ շահագործումը) 2-րդ մասի 3-րդ կետով: Նրա նկատմամբ որպես խափանման միջոց է կիրառվել չհեռանալու մասին ստորագրությունը:

Մետրոպոլիտենում ցույցի համար Էրեբունու նախկին ղեկավարին, նրա որդուն մեղադրանք է առաջադրվել

Նախաքննությունն ավարտվել է, և մեղադրական եզրակացությունը հաստատելու միջնորդությամբ, ուղարկվել դատախազին:

թեգերը:
Մեղադրանք, ՀՀ քննչական կոմիտե, Թրաֆիքինգ, Հայաստան

Գլխավոր թեմաներ