ԵՐԵՎԱՆ, 25 դեկտեմբերի - Sputnik. Մաշտոցի պողոտա–Պուշկինի փողոց խաչմերուկից ոստիկանությունը քիչ առաջ բերման ենթարկեց բողոքի ակցիայի մասնակից շուրջ 1 տասնյակ երիտասարդների, որոնք փորձում էին փողոցում տեղադրված աղբամաններով փակել Մաշտոցի պողոտային երթևեկելի հատվածը։
Բերման ենթարկվածների շարքում էր նաև ՀՅԴ անդամ Գեղամ Մանուկյանի որդին` ակտիվիստ Տարոն Մանուկյանը։
Ակցիայի մնացած մասնակիցներն այդ միջադեպից հետո երթը շարունակեցին Մաշտոցի պողոտայով` քաղաքացիներին կոչ անելով միանալ իշխանության ու վարչապետի դեմ իրենց բողոքին։
Նշենք, որ ընդդիմադիրների մեկ այլ խումբ այս պահին Աբովյան փողոցի սկզբնաասում է` դեպի Սարալանջի խճուղի ու Մյասնիկյան պողոտա տանող հատվածում։
Ակցիայի հետևանքով այս պահին պարալիզացված է նշված 3 փողոցների երթևեկությունը։
Խնդիրն իշխանություն–ընդդիմություն կոնֆլիկտի մեջ չէ. Վահե Հովհաննիսյանը` ճգնաժամի մասին
Հավելենք, որ Հայաստանում բողոքի ակցիաները՝ վարչապետի հրաժարականի պահանջով, սկսվել են նոյեմբերի 9-ին Արցախում հրադադար հաստատելու վերաբերյալ եռակողմ հայտարարության ստորագրումից հետո։
Ընդդիմադիր կուսակցությունների նախաձեռնությամբ ստեղծվել է Հայրենիքի փրկության շարժում, որը վարչապետի միասնական թեկնածու ունի` Հանրային խորհրդի նախկին նախագահ Վազգեն Մանուկյանը։
Դեկտեմբերի 22–ից ընդդիմադիրները նստացույց են հայտարարել ու գիշերում են Հանրապետության հրապարակում տեղադրված վրաններում։
