22:29 15 հունվարի 2021
Ուղիղ եթեր
  • USD522.53
  • GBP712.78
  • EUR634.35
  • RUB7.13
Հասարակություն
Ստանալ կարճ հղումը
459 0 0

Նախարարը հայտնում է, որ Քաշաթաղից արտագաղթածների կարևորագույն պահանջը եղել է աշխատելու և արժեք ստեղծելու հնարավորություն ընձեռելը։

ԵՐԵՎԱՆ, 25 դեկտեմբերի – Sputnik. ՀՀ Աշխատանքի և սոցիալական հարցերի նախարար Մեսրոպ Առաքելյանն այսօր` դեկտեմբերի 25–ին, հանդիպել է Արցախի Քաշաթաղի շրջանի մի խումբ բնակիչների, այդ թվում` գյուղական համայքների ղեկավարների հետ։ Տեղեկությունը նախարարը հայտնել է Facebook-ի իր էջում։

Առաքելյանը նշում է, որ Քաղաթաղի շրջանում հիմնականում բնակվել են Հայաստանից տեղափոխված քաղաքացիները՝ վերաբնակեցման ծրագրերի շրջանակում։

Նախարարի հետ հանդիպմանը նրանք ներկայացրել են իրենց մտահոգությունները, խնդիրները, նաև առաջարկություններ արել աջակցության ծրագրերի ու այլ խնդիրների լուծման վերաբերյալ։

«Հանդիպման ընթացքում բոլորի կողմից կարևորագույն պահանջը աշխատելու և արժեք ստեղծելու հնարավորություն ընձեռելն էր։ Սեփական աշխատանքով ընտանիքը, համայնքը, հայրենիքը շենացնելու ձգտումը և պատրաստակամությունն արժանի են հարգանքի և բացառիկ աջակցության»,– նշում է նախարար Առաքելյանը։

Ինչքա՞ն մնաս հարազատի տանը. Շիրակի մարզ տեղափոխված արցախցիները չգիտեն` վերադառնան, թե ոչ

Նա նաև հայտնում է, որ քաշաթաղցիների հետ պայմանավորվել են որոշակի քննարկումներ իրականացնելուց հետո դարձյալ հանդիպել՝ առկա խնդիրներին առավել արդյունավետ և արագ լուծումներ տալու նպատակով։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Ըստ թեմայի

Լեռնային Ղարաբաղ է վերադարձել ավելի քան 41 հազար փախստական․ ՌԴ ՊՆ
Ռուս խաղաղապահներն ապահովել են ավելի քան 26 հազար փախստականների անվտանգ վերադարձն Արցախ
Ծանր մարտերն ընթանում են Քաշաթաղում. հանդիպել են Հարությունյանը և «Իմ քայլի» անդամները
թեգերը:
Արցախ, Քաշաթաղ, Նախարար, Մեսրոպ Առաքելյան

Գլխավոր թեմաներ