07:58 21 հունվարի 2021
Ուղիղ եթեր
  • USD519.19
  • GBP711.08
  • EUR629.57
  • RUB7.08
Հասարակություն
Ստանալ կարճ հղումը
271 0 0

Սոցցանցերում մի խումբ մարդիկ գրառումներ էին կատարել այն մասին, որ պատրաստվում են խանգարել եկեղեցու տարեվերջյան պատարագը։

ԵՐԵՎԱՆ, 27 դեկտեմբերի – Sputnik. Այս պահին Մայր Աթոռ Սուրբ Էջմիածնում «Ամուր կանգնենք մեր եկեղեցու կողքին» խորագրով ակցիա է ընթանում։ Սուրբ Գայանե եկեղեցու բակ բազմաթիվ հավատացյալներ են եկել այն բանից հետո, երբ սոցցանցերում մի խումբ մարդիկ գրառումներ էին կատարել այն մասին, որ այսօր պատրաստվում են ընդհատել եկեղեցու տարեվերջյան պատարագը։

Նշենք, որ սոցցանցերում նման տեղեկություններ տարածվեցին, երբ Սիսիանում ՀՀ վարչապետ Նիկոլ Փաշինյանը մոտեցավ հոգևորականին և փորձեց նրան ձեռքով բարևել, սակայն հոգևորականը չպատասխանեց վարչապետին՝ նրա ձեռքը թողնելով օդում։

Երեկ Մայր աթոռի տեղեկատվական համակարգը հայտարարություն էր տարածել, որում հորդորում էր պահպանել հանգստություն ու հանդարտություն և չազդվել սադրիչ հայտարարություններից։

Ամենայն հայոց հայրապետ Գարեգին Բ–ի հայրական հորդորն էր՝ տարեվերջյան Սուրբ պատարագի արարողությունն անցկացնել խաղաղ մթնոլորտում և աղոթել հայրենի երկրի անսասանության և ազգի միասնականության, անվտանգ ու ապահով կյանքի համար:

Ավելի վաղ հայտարարությամբ էր հանդես եկել ՀՀ գլխավոր դատախազությունը՝ ինչպես ակցիայի նախաձեռնողներից, այնպես էլ հնարավոր մասնակիցներից պահանջելով զերծ մնալ այնպիսի գործողություններ իրագործելուց, որոնք կարող են խաթարել հոգևոր կենտրոնի և հոգևորականների բնականոն գործունեությունը, Սուրբ Էջմիածին այցելող քաղաքացիների այլ իրավունքները, ոտնահարել և վիրավորել վերջններիս հոգևոր զգացմունքները և կարող են հանգեցնել միջխմբային բախումների։

Նշվում էր, որ իրավապահ մարմինների կողմից ձեռնարկվելու են բոլոր միջոցները նման դրսևորումները կասեցնելու և կանխելու համար, իսկ եթե այդպիսիք տեղի ունենան ու կրեն հանցավոր բնույթ, դրանցում ներգրավված բոլոր անձինք անխուսափելիորեն ենթարկվելու են քրեական պատասխանատվության:

***

Մայր աթոռ Սուրբ Էջմիածին եկավ Ամենայն հայոց կաթողիկոս Գարեգին Երկրորդը։ Նրան ուղեկցում էին մի քանի ոստիկաններ, հոգևորականներ ու հավատացյալների մեծ բազմություն։

Այս պահին Սուրբ Գայանե եկեղեցում մեկնարկում է տարեվերջյան պատարագը։ 

Ցավն ու վիշտը վերածելու ենք ուժի և զորության. Մայր աթոռում զոհվածների հիշատակի պատարագն է

Ըստ թեմայի

ՀՀ արտգործնախարար Արա Այվազյանն այցելել է Մոսկվայի Հայ առաքելական եկեղեցի
«Երթով շարժվում ենք եկեղեցի, որ դուրս շպրտենք տերտեր կոչվածին». տեսանյութ
Հավատացյալները հավաքվել են, որ պաշտպանեն իրենց ազգային արժանապատվությունը. Մանուկյան
թեգերը:
պատարագ, Մայր Աթոռ Սուրբ Էջմիածին, Եկեղեցի

Գլխավոր թեմաներ