08:40 23 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Հասարակություն
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (798)
37010

Փաշինյանը հայտարարել էր, որ Հայաստանը չի պատրաստվում դիմել ՀԱՊԿ–ին, քանի որ ՀՀ ԶՈւ–ն կարող է պաշտպանել երկրի անվտանգությունը։

ԵՐԵՎԱՆ, 27 դեկտեմբերի - Sputnik. Հավաքական անվտանգության պայմանագրի կազմակերպության (ՀԱՊԿ) հրապարակված փաստաթղթերի մասին տեղեկությունները, հրապարակումները դատախազության կողմից ուղարկվում են ՀՀ ՀՔԾ։ Այս մասին Facebook-յան էջում գրառում է կատարել ՀՀ գլխավոր դատախազի խորհրդական Գոռ Աբրահամյանը։

«Քանի որ հարցադրումները շատ են, պետք է տեղեկացնեմ, որ ՀԱՊԿ-ի հրապարակված փաստաթղթերի մասին տեղեկությունները, հրապարակումները դատախազության կողմից ուղարկվում են ՀՀ ՀՔԾ՝ այնտեղ քննվող քրեական գործի շրջանակներում քննության առարկա դարձնելու նպատակով»,-նշել է Աբրահամյանը։

Հիշեցնենք, որ Վատիկանում ՀՀ նախկին դեսպան Միքայել Մինասյանն ավելի վաղ հայտարարել էր, որ պատերազմից 26 օր առաջ ՀԱՊԿ գլխավոր քարտուղար Ստանիսլավ Զասը նամակ է գրել Անվտանգության խորհրդի քարտուղար Արմեն Գրիգորյանին` կցելով փաստաթղթերի փաթեթ, որտեղ առաջարկվում էր ՀԱՊԿ շրջանակներում ռազմական շտաբային զորավարժություններ անցկացնել։

«Որ այդ նամակները կարդաք, կտեսնեք` Նիկոլ Փաշինյանը գիտեր՝ ինչ է լինելու։ Վստահ եմ, որ ՀԱՊԿ գլխավոր քարտուղարի նամակը և կից փաստաթղթերը դիվանագիտական զգուշացումներ են։ Այն, ինչ գրված էր, գրեթե 99 տոկոսով կատարվեց։ Դա ուղիղ մեսիջ էր Հայաստանի իշխանություններին ՀԱՊԿ դիմելու, քանի որ դրա տակից դուրս չեք գալու։ Ինձ հիմա մեկ հարց է հետաքրքրում` ինչո՞ւ չդիմեցին ՀԱՊԿ-ին»,–ասում է Մինասյանը։

Մեղրիի հարցով Փաշինյանը պատրաստ է անգամ ՀԱՊԿ–ին դիմել. «Ժողովուրդ»

Պատերազմի օրերին Հայաստանի` ՀԱՊԿ–ին դիմելու հարցը հաճախ էր շոշափվում։ Սեպտեմբերի 30-ին Փաշինյանը հայտարարեց` Հայաստանը չի պատրաստվում դիմել ՀԱՊԿ–ին, քանի որ ՀՀ ԶՈւ–ն կարող է պաշտպանել երկրի անվտանգությունը։

թեմա:
Իրադրությունը Հայաստանում և Արցախում հայտարարության ստորագրումից հետո (798)

Ըստ թեմայի

Ղարաբաղում խաղաղապահներ տեղակայելու գաղափարներ ՀԱՊԿ-ի նիստում չեն հնչել. Լավրով
Փաշինյանը գերիների ու անհետ կորածների մասին խոսեց ՀԱՊԿ երկրների ղեկավարների հանդիպմանը
ՀԱՊԿ անդամ երկրները հռչակագիր են ընդունել
թեգերը:
ՀՀ գլխավոր դատախազություն, Նիկոլ Փաշինյան, Միքայել Մինասյան, Հավաքական անվտանգության պայմանագիր կազմակերպություն (ՀԱՊԿ)

Գլխավոր թեմաներ