09:24 23 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Հասարակություն
Ստանալ կարճ հղումը
350510

Սյունիքի մարզպետ Մելիքսեթ Պողոսյանի խոսքով՝ ամեն ինչ պետք է անեն, որ գյուղից արտագաղթ չլինի, մարդկանց բարոյահոգեբանական վիճակն էլ բարձր մնա։

ԵՐԵՎԱՆ, 3 հունվարի - Sputnik. Սյունիքի մարզի Շուռնուխ գյուղի, այսպես ասած, վիճելի համարվող 12 տներից 11-ը հանձնվում է Ադրբեջանին, 1-ը մնում է հայկական կողմում։ Տեղեկությունը Sputnik Արմենիայի հետ զրույցում հայտնեց Սյունիքի մարզպետ Մելիքսեթ Պողոսյանը։ Նրա խոսքով՝ բնակիչներին ժամանակ է տրված մինչև հունվարի 5-ը։

«Այսօր ցավով, տխուր ապրում ենք... Ամեն ինչ անում ենք մեր վերադասի` Մոսկվայի միջոցով։ Ռուսը պետք է ապացուցի՝ մերն է, թե իրենցը, ինչքան մեր ձեռքի տակ փաստաթուղթ է եղել, բերել ենք տվել, իրենց հետ բանակցություն է վարվում»,- նշեց Պողոսյանը։

Նրա խոսքով՝ Շուռնուխում ընդհանուր առմամբ 45 տուն կա, որոնցից 12-ը ճանապարհի ներքևում են, մնացածը՝ վերևի հատվածում։ 11 ընտանիքներից 9-ին արդեն տեղավորել են գյուղի ազատ տներում։ Հանձնվող տներից մեկը գյուղապետինն է։ Նա գյուղապետարանում է տեղավորվել։

Թե հետագայում ինչ կարվի նրանց տներով ապահովելու համար՝ մարզպետը նշեց, որ կանեն այնպես, ինչպես գյուղացիները կորոշեն։ Ինչ վերաբերում է գյուղի ներքևի հատվածում Հայաստանին մնացող միակ տանը, ապա եթե այդ տան բնակիչներն էլ որոշեն՝ չեն մնալու այդտեղ, իրենց ապահով չեն զգում, ապա նրանց էլ են տեղափոխելու։ Առաջնահերթ մարդկանց անվտանգությունն է. նշում է մարզպետը։

«Հետո կպլանավորենք, եթե բոլորի համար տուն պետք է կառուցենք... Մեր համար առաջին խնդիրն է, որ ժողովրդի կողքին կանգնենք` մարդ չհեռանա։ Գյուղի բարոյահոգեբանական վիճակը պահենք»,- նշեց մարզպետը։

Սյունիքի տարածքի հատվածները, որոնք Ադրբեջանին են փոխանցվում «սահմանազատման» արդյունքում

Նրա խոսքով՝ այս պահին մարզում ամեն ինչ հանգիստ է։ Շեշտում է՝ իրենց համար ցավոտ հարցը 1974 թվականի խորհրդային քարտեզն է, որով Կապանից մինչև Գորիս տանող ճանապարհի 21 կիլոմետրանոց հատվածն անցնում է վիճարկելի տեղերով։

Շեշտում է՝ հարևան երկրում ուշադիր հետևում են մեր կողմից տարածվող տեղեկություններին, ուստի մարզպետը կոչ է անում չտրվել սադրանքներին, պահպանել գաղտնիության ռեժիմը։

Սյունիքում այլընտրանքային ճանապարհներ կկառուցվեն. Պապիկյանը մանրամասներ է ներկայացրել

Ըստ թեմայի

«Ամեն ինչ պրծավ, թուրքերը եկան». Շուռնուխի գյուղապետ
Ադրբեջանցիները պահանջել են մեկ օրում ազատել Շուռնուխ գյուղի կեսը. Գորիսի փոխքաղաքապետ
Տղերք ջան, ում մոտ զենք կա, եկեք, հողը պահեք. շուռնուխցիները փակել են ճանապարհը. տեսանյութ
«Հետո թոռս չասի` երկու մանեթի դիմաց հողը վաճառեցիր». Շուռնուխի 12 տների հարցը պարզ չէ
թեգերը:
Մելիքսեթ Պողոսյան, Շուռնուխ, Սյունիք, ռուս

Գլխավոր թեմաներ