16:33 24 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Հասարակություն
Ստանալ կարճ հղումը
184 0 0

Մարդասիրական օգնություն տեղափոխողող հատուկ չվերթը կազմակերպել է Ֆրանսիայի կառավարությունը, իսկ ինքնաթիռի հատկացման գործընթացը նախաձեռնել են Ջորկաեֆ եղբայրները։

ԵՐԵՎԱՆ, 6 հունվարի – Sputnik. Ֆրանսիայից Հայաստան է ժամանել մարդասիրական օգնություն տեղափոխող 5-րդ ինքնաթիռը: Տեղեկությունը հայտնում է «Ազնավուր» հիմնադրամը։

«Մեր թիմը կսկսի օգնության բաշխումը, երբ այն ժամանի «Ազնավուր» կենտրոն (բաշխումն իրականացվում է արցախցի տուժած ընտանիքների հետ աշխատող կազմակերպությունների միջոցով)։ Ցանկանում ենք նաև ընդգծել, որ այս ինքնաթիռի հատկացման գործընթացը նախաձեռնել են Յուրի և Դենի Ջորկաեֆները, իսկ հատուկ չվերթը դարձյալ կազմակերպել է Ֆրանսիայի կառավարությունը: Յուրի Ջորկաեֆն այս անգամ ևս անձամբ ժամանել է Հայաստան՝ մի խումբ ֆրանսիացի բժիշկների հետ շարունակելու մարդասիրական առաքելությունը և աջակցելու արցախյան պատերազմից տուժածներին»,–նշված է հաղորդագրության մեջ։

«Ազնավուր» հիմնադրամը ևս մեկ անգամ շնորհակալություն է հայտնել ներգրավված բոլոր կազմակերպություններին, կողմերին և անհատներին, որոնք մասնակցել են այն հավաքագրելու և տեղափոխելու գործընթացին:

Մարդասիրական օգնությամբ նախորդ 4 ինքնաթիռները Ֆրանսիան ուղարկել էր նոյեմբերի 22-ին, 27-ին, դեկտեմբերի 11–ին և 31–ին: Ավելի վաղ Ֆրանսիայի ԱԳՆ-ն հայտարարել էր, որ գործարկում է Արցախի հայ բնակչության աջակցության համալիր ծրագիր։

Նշենք, որ Դենիս Ջորկաեֆը ֆրանսիական Դեսին քաղաքի փոխքաղաքապետն է, իսկ Յուրի Ջորկաեֆը` աշխարհահռչակ ֆուտբոլիստ, աշխարհի 1998 թ. և Եվրոպայի 2000 թ. չեմպիոն, ՖԻՖԱ-ի հիմնադրամի գործադիր տնօրենը։

Ըստ թեմայի

Փաշինյանը բարձր է գնահատել հայ-ֆրանսիական հարաբերությունները. հանդիպում` Լաքոտի հետ
ՄԽ ֆրանսիացի համանախագահը չի բացառել, որ Ղարաբաղի հարցով նոր ծրագրեր կարող են մշակվել
11 մաղթանք Ժոնաթան Լաքոտից. Ֆրանսիայի դեսպանը հայերեն գրառում է արել
թեգերը:
ինքնաթիռ, Հումանիտար օգնություն, Ֆրանսիա, Հայաստան

Գլխավոր թեմաներ