17:33 17 հունվարի 2021
Ուղիղ եթեր
  • USD522.53
  • GBP712.78
  • EUR634.35
  • RUB7.13
Հասարակություն
Ստանալ կարճ հղումը
72222

Իրավապաշտպան Ռուբեն Մելիքյանը հայտարարել է, որ եթե որևէ փաստաթուղթ գոյություն չունի, ապա գերատեսչությունը պետք է համոզիչ կերպով հերքի բոլոր հրապարակումները:

ԵՐԵՎԱՆ, 8 հունվարի - Sputnik. Իրավապաշտպան Ռուբեն Մելիքյանը հայտնում է, որ այսօր` ժամը 12։00-ին, արդարադատության նախարարության առջև շտապ հավաք են կազմակերպում։ Մելիքյանը ֆեյսբուքյան իր էջում նման գրառում է արել` հայտնելով, որ հավաք են կազմակերպելու` պահանջելով հրապարակել հունվարի 11-ին իբրև թե ստորագրվելիք պայմանագրի նախագիծը։

Telegram–ի հայաստանյան ի որոշ ալիքներ ավելի վաղ հայտնել էին, որ վարչապետ Նիկոլ Փաշինյանը մտադիր է հունվարի 11-ին Մոսկվայում փաստաթղթեր ստորագրել, որոնք իբր պետք է «ամրագրեն Ադրբեջանին Հայաստանի ինքնիշխան տարածքների փոխանցումը», Նախիջևանի ինքնավարությունը Ադրբեջանի հետ կապող տրանսպորտային միջանցքի բացումը, ինչպես նաև Ղարաբաղից զորքերի դուրսբերումը: Հրապարակումներում նաև նշվում էր, որ պայմանագրի նախագիծն արդեն պատրաստ է և գաղտնի ուղարկվել է արդարադատության նախարարություն ՝ ձևակերպումները ՀՀ Սահմանադրությանը համապատասխանեցնելու համար:

Ըստ Մելիքյանի` եթե որևէ փաստաթուղթ գոյություն չունի, ապա գերատեսչությունը պետք է համոզիչ կերպով հերքի այդ բոլոր հրապարակումները:

Նիկոլ Փաշինյանը ՀՀ գլխավոր դատախազ Արթուր Դավթյանին Մոսկվա է գործուղում

Արդարադատության նախարար Ռուսատն Բադասյանը, սակայն, արդեն հերքել է շրջանառվող լուրերը։

Ցավոք, ապատեղեկատվությամբ մարդկանց նկատմամբ հոգեբանական ճնշում գործադրելու գործելաոճը չի դադարում։ ՀՀ արդարադատության նախարարությունը որևէ պայմանագիր չի ստացել որևէ ընթացակարգի շրջանակում։ Մամուլում տարածվող տեղեկությունը սուտ է»,–Facebook սոցցանցի իր էջում գրել է նախարարը։

Ըստ թեմայի

Ժամանակը Հայաստանի օգտին չի աշխատում, կամ ո՞րն էր Փաշինյանի և հեղափոխության «պլան Ա»-ն
Նիկոլ Փաշինյանը հեռախոսազրույց է ունեցել Էմանուել Մակրոնի հետ. խոսել են նաև Արցախի մասին
Նիկոլ Փաշինյանը խոստովանել է, թե որ հարցում է ինքը ձախողվել
թեգերը:
Մոսկվա, Պայմանագիր, Ռուստամ Բադասյան, Նիկոլ Փաշինյան

Գլխավոր թեմաներ