ԵՐԵՎԱՆ, 8 հունվարի - Sputnik. Ժամը 09։30-ի դրությամբ Աբովյանի տարածաշրջանի ավտոճանապարհներին թույլ մառախուղ է, տեսանելիությունը՝ 200-300 մետր։ Տեղեկությունը հայտնում է ՀՀ ՏԿԵՆ «Ճանապարհային դեպարտամենտ» պետական ոչ առևտրային կազմակերպությունը։
Վարդենյաց լեռնանցքը դժվարանցանելի է կցորդիչով տրանսպորտային միջոցների համար։
Միջպետական և հանրապետական նշանակության մյուս ավտոճանապարհները բաց են:
Արտակարգ իրավիճակների նախարությունից, սակայն, տեղեկացնում են, որ Արագածոտնի մարզի Ամբերդ ամրոց և Քարի լիճ տանող ավտոճանապարհները փակ են։
Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:
Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով:
