10:49 22 հունվարի 2021
Ուղիղ եթեր
  • USD518.89
  • GBP712.54
  • EUR629.98
  • RUB7.05
Հասարակություն
Ստանալ կարճ հղումը
170 0 0

Արդարադատության նախարարության առջև հավաքվել են մի խումբ իրավապաշտպաններ և պահանջում են հերքել կամ հաստատել` արդյո՞ք որևէ նոր փաստաթուղթ ուղարկել են իրենց ԼՂ վերաբերյալ։

ԵՐԵՎԱՆ, 8 հունվարի – Sputnik. Հայաստանի իրավապաշտպանները պահանջում են, որ ՀՀ արդարադատության նախարարությունը հերքի կամ հաստատի, թե արդյո՞ք որևէ փաստաթուղթ ուղարկել են նախարարության հաստատմանը։ 

Telegram–ի հայաստանյան ի որոշ ալիքներ ավելի վաղ հայտնել էին, որ ՀՀ վարչապետ Նիկոլ Փաշինյանը մտադիր է հունվարի 11-ին Մոսկվայում փաստաթղթեր ստորագրել, որոնք, իբր, պետք է «ամրագրեն Ադրբեջանին Հայաստանի ինքնիշխան տարածքների փոխանցումը», Նախիջևանի ինքնավարությունը Ադրբեջանի հետ կապող տրանսպորտային միջանցքի բացումը, ինչպես նաև Ղարաբաղից զորքերի դուրսբերումը:

«Ռուսը պետք է ապացուցի՝ մե՞րն է, թե՞ իրենցը». Սյունիքի մարզպետը` Շուռնուխի տների մասին

Հրապարակումներում նաև նշվում էր, որ պայմանագրի նախագիծն արդեն պատրաստ է և գաղտնի ուղարկվել է արդարադատության նախարարություն ՝ ձևակերպումները ՀՀ Սահմանադրությանը համապատասխանեցնելու համար:

«Մենք իրավունք ունենք իմանալ` ինչ է մեզ սպասվում, այլ ոչ թե շուռնուխցիների նման քնել–զարթնել ու տեսնել` տներն այլևս իրենցը չեն։ Բոլորս տեղեկատվություն ստանալու իրավունք ունենք»,–ասաց Մելիքյանը։

Նա ասաց, որ տեսել է արդարադատության նախարար Ռուստամ Բադասյանի հերքումն այն մասին, որ իրենց մոտ որևէ փաստաթուղթ չկա, սակայն դա, ըստ Մելիքյանի, բավարար չէ։ Իրավապաշտպանն ասաց, որ սպասում են նախարարության ներկայացուցիչներին, որպեսզի ներքև իջնեն ու պարզաբանում ներկայացնեն`իրենց աչքերի մեջ նայելով։

Անդրադառնալով վարչապետ Նիկոլ Փաշինյանի այսօրվա գրառմանը, թե նոյեմբերի 9-ի հայտարարության մեջ չկա ո՛չ «Մեղրի», ո՛չ էլ ՀՀ որևէ տարածքի առնչությամբ «միջանցք» արտահայտություն` Մելիքյանը նշեց, թե հետաքրքիր է` նոյեմբերի 9-ի հայտարարության մեջ արդյո՞ք Շուռնուխ, Խծաբերդ բառերը եղել են։

Մելիքյանը հավելեց նաև, որ որևէ հիմք չունեն հավատալու երկու հերքումներին, և իրենց ավելի մանրամասն պարզաբանումներ են պետք։
Այս պահին արդարադատության նախարարության առջև հավաքը շարունակվում է, և իրավապաշտպանները սպասում են, որ որևէ մեկը ներքև կիջնի։

Հիշեցնենք, որ Նիկոլ Փաշինյանն այսօր Facebook–ի իր էջում գրառում էր կատարել ու ասել` Հայաստանից դեպի Ռուսաստան և Ադրբեջանից դեպի Նախիջևան հաղորդակցության երթուղիների ընտրությունն առանձին քննարկման թեմա է։ Դրա արդյունավետության կարևոր պայման է գերիների, պատանդների, այլ պահվող անձանց, զոհվածների մարմինների փոխանակման, ինչպես նաև անհետ կորածների որոնողական աշխատանքների ծավալների և արդյունավետության բարձրացումը։

«Հետո թոռս չասի` երկու մանեթի դիմաց հողը վաճառեցիր». Շուռնուխի 12 տների հարցը պարզ չէ

Ըստ թեմայի

Ալիևի հայտարարությունը կոպտորեն խախտում է հետպատերազմական մարդասիրական գործընթացը. ՀՀ ՄԻՊ
Եռակողմ հայտարարությունը գաղտնի հավելվածներ չունի. ի՞նչ հիմքով են գծվում սահմանները
Եռակողմ հայտարարության իրականացման համար համալիր աշխատանք է սպասվում․ Զախարովա
թեգերը:
Արցախ, Ռուբեն Մելիքյան, ՀՀ արդարադատության նախարարություն

Գլխավոր թեմաներ