05:22 14 ապրիլի 2021
Ուղիղ եթեր
  • USD519.43
  • GBP715.00
  • EUR617.91
  • RUB6.73
Հասարակություն
Ստանալ կարճ հղումը
677 0 0

Խնդրի վերաբերյալ ՀՀ շրջակա միջավայրի նախարարությունն ուսումնասիրություններ է իրականացրել ու արդյունքները ներկայացրել ՊՆ–ին ու վարչապետի աշխատակազմին։

ԵՐԵՎԱՆ, 26 հունվարի – Sputnik. Սևանա լիճը սնուցող երկու հիմնական գետերի` Արփայի ու Որոտանի ջրահավաք ավազանները արցախյան 44-օրյա պատերազմի հետևանքով հայտնվել են Ադրբեջանի վերահսկողության ներքո։ Այս մասին լրագրողների հետ հանդիպմանը հայտնեց ՀՀ շրջակա միջավայրի նախարար Ռոմանոս Պետրոսյանը։

«Այդ երկու գետերի սնուցման ակնունքները հիմնականում Քարվաճառի շրջանում են, և, ցավոք, այդ տարածքներն այս պահին գտնվում են հակառակորդ կողմի վերահսկողության տակ։ Այդ տարածքներում են նաև գտնվում Սևանի ջրահավաք հիմնական աղբյուրները»,– ասաց նախարարը։

Նրա խոսքով` այս փաստի շուրջ ՀՀ բնապահպանական որոշ շրջանակներ արդեն մտահոգություններ են հայտնել։ Նախարարությունն իր հերթին ուսումնասիրություններ է իրականացրել ու արդյունքները ներկայացրել ՊՆ–ին ու վարչապետի աշխատակազմին։ Այս հարցի շուրջ ավելին նախարարությունն անել չի կարող, քանի որ նման գործառույթներ չունի։

Իսկ ինչ վերաբերում է սահմանազատման արդյունքում հնարավոր նոր վտանգներին, դրանում նախարարությունը ևս մասնակցության մանդատ չունի ու ներգրավված չէ։

«Բայց պետք է ասեմ, որ «Զանգեզուր» կենսոլորտային համալիրի որոշ արգելավայրեր ու արգելոցներ սահմանակցում են ՀՀ միջազգային սահմաններին` արևելյան ու արևմտյան կողմերից, և, բնականաբար, մեր մասնագետների հետ մենք պերմանենտ աշխատանքային շփումների և կապի միջոցով հսկողության տակ ենք պահում այդ գործընթացները»,– ասաց Պետրոսյանը։

Պատերազմ կարող էր սկսվել ամեն օր. Դավիթ Տոնոյանը մեկնաբանել է իր հայտնի արտահայտությունը

Նա նաև հայտարարեց, որ այս պահի դրությամբ` բնության հատուկ պահպանվող տարածքների սահմանները համընկել են ՀՀ սահմանների հետ, և սահմանների ճշգրտման արդյունքում նման խնդիրներ չեն առաջացել։

Որ Նիկոլն իրեն լավ զգա. նախկին փոխնախարարը՝ պատերազմի պարտության պատճառների մասին

Ըստ թեմայի

Ադրբեջանցիները շատ ցավագին են տանում Խուդաֆերինի ջրամբարի տարածքից զրկվելու փաստը
Թուրք–ադրբեջանական ուժերն ու ահաբեկիչները փորձում են տիրել Իրանի ջրամբարին. Բաբայան
Հայաստանում նոր գյուղ կկառուցեն ու կավարտեն Կապսի ջրամբարի կառուցումը
թեգերը:
Պատերազմ, Նախարար, Ադրբեջան, Սևանա լիճ

Գլխավոր թեմաներ