ԵՐԵՎԱՆ, 7 փետրվարի – Sputnik. Հայաստանի Հանրապետության տարածքում փետրվարի 7-11-ը սպասվում է առանց տեղումների եղանակ: Քամին՝ հարավարևմտյան՝ 5-10 մ/վ արագությամբ: Տեղեկությունը հայտնում է ՀՀ ԱԻՆ մամուլի ծառայությունը։
«Օդի ջերմաստիճանը փետրվարի 8-9-ն աստիճանաբար կբարձրանա 2-4 աստիճանով»,–ասվում է ԱԻՆ հաղոդագրության մեջ։
Նշենք, որ հիդրոօդերևութաբանների կանխատեսումների համաձայն` այսօր ցերեկային ժամերին ՀՀ Սյունիքի մարզի հովտային շրջաններում և Արցախում սպասվում է մինչև 22 աստիճան տաքություն։ Տաք է լինելու նաև Տավուշում և Սյունիքի նախալեռներում։ Այստեղ սպասվում է +20 աստիճան ջերմություն։
Մայրաքաղաք Երևանում նույնպես փետրվարի 7-11-ը սպասվում է առանց տեղումների եղանակ։ Ջերմաստիճանն այսօր ցերեկային ժամերին կլինի +11...–+13, գիշերը` -1...+1 աստիճան։
