11:04 09 մարտի 2021
Ուղիղ եթեր
  • USD525.46
  • GBP726.19
  • EUR626.82
  • RUB7.03
Հասարակություն
Ստանալ կարճ հղումը
47 0 0

Ծրագրով նախատեսված է վերականգնել մանկապարտեզները, հիմնանորոգել և շենքերի սեյսմիկ անվտանգություն ապահովել։

ԵՐԵՎԱՆ, 9 փետրվարի – Sputnik. «Երևանի Էներգաարդյունավետություն» ծրագրի շրջանակում Երևանում 3 նոր մանկապարտեզ կկառուցեն, ևս 12-ն էլ կվերանորոգվեն: Համապատասխան դրամաշնորհային համաձայնագիրը հավանության արժանացավ Երևանի ավագանու այսօրվա նիստում։

Երևանի փոխքաղաքապետ Հրաչյա Սարգսյանը նիստի ընթացքում հայտնեց, որ 15 միլիոն եվրոյի ֆինանսական համաձայնագիրը մանկապարտեզների վերականգնում, հիմնանորոգում և շենքերի սեյսմիկ անվտանգության ապահովում է նախատեսում:

Նա նշեց, որ այս տարի ծրագրի շրջանակում կսկսվեն ևս վեց մանկապարտեզների վերականգնողական աշխատանքները։ Մանկապարտեզների կառուցման կամ վերանորոգման միջին ժամկետը կկազմի 18 ամիս, հետևաբար վեց շենքերը կարող են շահագործման հանձնվել 2022 թվականին:

Ծնողները պահանջում են բացել մանկապարտեզները

2020 թվականին հիմնանորոգվել է 11 մանկապարտեզ, որոնցից 9-ն արդեն շահագործման են հանձնվել, 2-ն աշխատանքները կսկսեն առաջիկա օրերին:

Քաղաքապետարանի բյուջեի հաշվին նախատեսվում է ընթացիկ տարում վերանորոգել 6-7 մանկապարտեզ։

«Ոչ մի արտառոց գործընթաց չկա». Հայկ Մարությանի խոսնակը` ստուգումների մասին

Հիշեցնենք, որ «Երևանի Էներգաարդյունավետություն» ֆինանսական պայմանագիրը քաղաքային իշխանությունների և Եվրոպական ներդրումային բանկի միջև ստորագրվել էր 2017թ. դեկտեմբերի 1-ին: Ծրագրի նպատակն է բարձրացնել էներգաարդյունավետությունը համայնքային շենքերում, մասնավորապես մանկապարտեզներում:

Ավագանու «Իմ քայլը» խմբակցության քարտուղարը վայր է դրել լիազորությունները

 

թեգերը:
մանկապարտեզ, քաղաքապետարան, Երևան, Հայաստան

Գլխավոր թեմաներ