10:45 08 մարտի 2021
Ուղիղ եթեր
  • USD525.46
  • GBP726.19
  • EUR626.82
  • RUB7.03
Հասարակություն
Ստանալ կարճ հղումը
63 0 0

Նաիրա Զոհրաբյանը հայտնել է, որ Վահան Բադասյանը մարտին պետք է ենթարկվի բարդ վիրահատության։

ԵՐԵՎԱՆ, 10 փետրվարի - Sputnik. ԲՀԿ–ական պատգամավոր Նաիրա Զոհրաբյանը տեղեկացնում է, որ միջնորդութուն են ներկայացրել Արցախի խորհրդարանի նախկին պատգամավոր Վահան Բադասյանի խափանման միջոց կալանքը վերացնելու վերաբերյալ։

«Ես և ԲՀԿ–ի իմ գործընկերները, ինչպես նաև անկախ պատգամավորներ Արման Բաբաջանյանն ու Սոֆյա Հովսեփյանը միջնորդութուն ենք ներկայացրել Վահան Բադասյանի խափանման միջոց կալանքը վերացնելու, բայց այս դեպքում նման միջնորդության կարիքն անգամ չպիտի լիներ»,–ֆեյսբուքյան իր էջում գրել է Զոհրաբյանը` հայտնելով, որ այսօր Իվետա Տոնոյանի հետ ԱԱԾ մեկուսարանում հանդիպել են Վահան Բադասյանին։

Ваган Бадасян
Վահան Բադասյան

Նրա խոսքով` Վահան Բադասյանը քաղբանտարկյալ է եւ ժամ առաջ պիտի լինի ազատության մեջ։

Զոհրաբյանը գրել է նաև, որ Բադասյանը, ով արցախյան բոլոր պատերազմների մասնակից է, և վերջին պատերազմի հենց առաջին օրից կռիվ է տվել ԱԹՍ-ներ՝ «բայրաքթարների» դեմ, ծանր վիրավորում է ստացել ու անզեն աչքով անգամ հստակ է, որ նրա ստացած վիրավորումն անհամատեղելի է կալանքի հետ։

«Վահանը մարտին պետք է ենթարկվի ևս մեկ բարդ վիրահատության, ու նման ծանր վիրավորում ստացած մարդուն կալանքի տակ պահելը միջազգային բոլոր կոնվենցիաներով հստակ խոշտանգում է, ինչի մասին ես արդեն տեղեկացրել եմ միջազգային իրավապաշտպան կազմակերպություններին»,–գրել է նա։

«Նրա հանդեպ շատ հարգանքով էին». Գևորգ Պետրոսյանը տեսակցել է Վահան Բադասյանին

Հիշեցնենք, որ հունվարի 28-ին Եռաբլուրում Բադասյանն ասել էր, որ Փաշինյանը պետք է վերանա և հեռանա։ Հարցին՝ իսկ եթե չհեռանա՞, պատասխանել էր` ուրեմն կհեռացնենք ֆիզիկապես։ Նույն օրը նա բերման էր ենթարկվել Ազգային անվտանգության ծառայություն ու ձերբակալվել: Իսկ հունվարի 29-ին նրան կալանավորելու որոշում կայացվեց։

Ըստ թեմայի

Ովքե՞ր են ձերբակալվել ՀՀ կառավարության շենքը զավթելու փորձ կատարելու կասկածանքով
Հերթական ակցիան՝ Փաշինյանի հրաժարականի պահանջով․ տեսանյութ
Բադասյանն օբյեկտիվորեն չէր կարող բնակության վայր ունենալ. փաստաբանը կբողոքարկի որոշումը
թեգերը:
ՀՀ ազգային անվտանգության ծառայություն. ԱԱԾ, Վահան Բադասյան

Գլխավոր թեմաներ