10:56 08 մարտի 2021
Ուղիղ եթեր
  • USD525.46
  • GBP726.19
  • EUR626.82
  • RUB7.03
Հասարակություն
Ստանալ կարճ հղումը
109 0 0

Դպրոցի տնօրեն ընտրվելու հին կարգն այլևս չի գործի. այն նախկինում բազմաթիվ դժգոհությունների տեղիք էր տալիս։

ԵՐԵՎԱՆ, 11 փետրվարի - Sputnik. ՀՀ կառավարության այսօրվա նիստում որոշում է կայացվել փոփոխություններ կատարել դպրոցների տնօրենների ընտրության կարգում։ Մասնավորապես, վերացել է հաղթող չունենալու դեպքում ԿԳՄՍ նախարարի կամ փոխվարչապետի կողմից թեկնածուներից մեկին նշանակելու կարգավորումը, որը բազմաթիվ դժգոհությունների տեղիք էր տալիս:

Նոր որոշմամբ առաջարկվում է քվեարկության արդյունքում առավելագույն հավասար ձայներ հավաքած հավակնորդների միջև նույն օրն անցկացնել կրկնակի քվեարկություն: Կրկնակի քվեարկությոնից հետո եթե կրկին հավասար ձայներ հավաքեն՝ հաղթողը կորոշվի վիճակահանությամբ:

Բացի այդ, նախկին տնօրենը չի կարող պաշտոնակատար նշանակվել. նոր կարգավորմամբ սահմանվում է, որ նախարարությունը (կամ մարզպետը, կամ Երևանի քաղաքապետը, ըստ ենթակայության), թափուր տեղ առաջանալու օրը տնօրենի պաշտոնակատար է նշանակում խորհրդի անդամ չհանդիսացող տնօրենի տեղակալներից մեկին, կամ էլ` ոլորտի առնվազն 7 տարվա ընդհանուր աշխատանքային ստաժ ունեցող անձի, որը տվյալ հաստատության խորհրդի անդամ չէ։

Հանրակրթական դպրոցների 11-րդ դասարանի աշակերտները կմասնակցեն ռազմական ճամբարների

Նշվում է նաև, որ դպրոցի կառավարման խորհուրդը 3 աշխատանքային օրվա ընթացքում ընդունում է տնօրենի պաշտոնի թափուր տեղի համար մրցույթ հայտարարելու մասին որոշում: Խորհուրդը տնօրենի թափուր պաշտոն առաջանալու օրվանից հաշված՝ առավելագույնը եռամսյա ժամկետում պետք է կազմակերպի տնօրենի պաշտոնի թափուր տեղի մրցույթ:

Տնօրենի ընտրության համար անցկացվող մրցույթին մասնակցելու համար ՀՀ քաղաքացիությունը պարտադիր է: Հավակնորդի ներկայացրած զարգացման ծրագիրը դպրոցի պաշտոնական կայքում հրապարակվելուց հետո՝ 3 աշխատանքային օրվա ընթացքում, կազմակերպվում է քննարկում` հավակնորդի, մանկավարժական խորհրդի (անդամների ընդհանուր թվի կեսից ավելիի ներկայությամբ) և ծնողական ընդհանուր ժողովի անդամների մասնակցությամբ: Եթե տնօրենի հավակնորդը չներկայանա քննարկմանը, ապա չի կարող մասնակցել հայտարարված մրցույթին:

Տնօրենն ընտրվում է բաց քվեարկությամբ, խորհրդի անդամների ընդհանուր թվի ձայների մեծամասնությամբ:

Եթե մրցույթին մասնակցելու համար դիմել է մեկ հավակնորդ, և մրցույթում հաղթող չի ճանաչվել, ապա կրկնակի քվեարկություն չի անցկացվում, և հայտարարվում է նոր մրցույթ: Ընտրված տնօրենի հետ 10 աշխատանքային օրվա ընթացքում կնքվում է աշխատանքային պայմանագիր` 5 տարի ժամկետով, բայց ոչ ավելի, քան նրա 65 տարին լրանալը:

Հիշեցնենք, որ արդեն քանի օր է` Աբովյանի թիվ 1 դպրոցում բողոքի ակցիա և դասադուլ են իրականացնում ինչպես աշակերտները, այնպես էլ ուսուցիչները. պատճառը տնօրենի ընտրություններն են։

Դպրոցի նախկին տնօրենը` Մետաքսյա Բաբայանն ու ևս մեկ անձ` Քարմիլե Առաքելյանն էին իրենց թեկնածությունն առաջադրել, և հաղթող էր ճանաչվել Առաքելյանը։ Ըստ շրջանառվող լուրերի` նա Շրջակա միջավայրի նախարարի կնոջ ընկերուհին է, ինչի համար էլ տնօրեն է նշանակվել։ Աշակերտներն ու ուսուցիչները պնդում են` ընտրությունների արդյունքը պետք է չեղարկվի։

Ըստ թեմայի

«Իր նման տղերքը պիտի ապրեին». ինչպիսին են հիշում Սևակին հարազատներն ու հարազատ դպրոցը
Հակոբ Արշակյանը դպրոցականներին հորդորում է լավ սովորել ֆիզիկան ու մաթեմատիկան
Ողբերգական դեպք Արարատի մարզում․ գյուղի դպրոցի ապամոնտաժման ժամանակ տղամարդ է մահացել
թեգերը:
մրցույթ, Տնօրեն, դպրոց

Գլխավոր թեմաներ