11:50 09 մարտի 2021
Ուղիղ եթեր
  • USD525.46
  • GBP726.19
  • EUR626.82
  • RUB7.03
Հասարակություն
Ստանալ կարճ հղումը
310 0 0

Գայանե Սահակյանը հայտնեց, որ շուրջ 600 000 անձ է գտնվում ռիսկի խմբերում` բուժաշխատողները, տարեցները, խրոնիկական հիվանդություններ ունեցողները։

ԵՐԵՎԱՆ, 15 փետրվարի - Sputnik. Ռուսական «Սպուտնիկ V» պատվաստանյութով ՀՀ–ում պատվաստված որևէ մեկի մոտ լուրջ և անսովոր երևույթներ չեն արձանագրվել։ «Շանթ» հեռաուստաընկերության հետ զրույցում հայտնել է ԱՆ հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, իմունականխարգելման ազգային ծրագրի ղեկավար Գայանե Սահակյանը, որը նույնպես պատվաստվել էր վերոհիշյալ պատվաստանյութով։

Հայաստանը որպես օգնություն ստացել էր ռուսական «Սպուտնիկ V»-ի մի փոքր խմբաքանակ։ Դրանով պատվաստվել է նույնիսկ առողջապահության նախկին նախարար Արսեն Թորոսյանը։ Հայաստանում «Սպուտնիկ V» պատվաստանյութով 30 մարդ է պատվաստվել։

«Միակ ռեակցիան ներարկման տեղում ցավն է, ինչն էլ սպասելի է։ Սակայն ինձ մոտ, օրինակ, այդ ցավն էլ չի եղել»,–ասաց Սահակյանը` հավելելով, որ, առհասարակ, 40 000 մարդկանց շրջանում, որոնք «Սպուտնիկ V»-ով պատվաստվել են, անսովոր ռեակցիաներ չեն գրանցվել։

Հարցին, թե այդ դեպքում ինչո՞ւ է Սահակյանը դիմակով նստած տաղավարում` վերջինս պատասխանեց, որ պատվաստվելը չի նշանակում դիմակները հանել։ Նրա խոսքով` եթե զանգվածային լինեն պատվաստումները և ամբողջ աշխարհում բնակչության 50-70 տոկոսը պատվաստվի, նոր միայն բոլորս կարող ենք հրաժեշտ տալ դիմակներին։ Բացի այդ, Սահակյանը նշեց, որ կանխատեսումներ կան, որ առաջիկայում հնարավոր է աշխուժացում լինի։

Ինչ վերաբերում է «Սպուտնիկ V»-ով Հայաստանում խոցելի խմբերի պատվաստմանը` Սահակյանը հայտնեց, որ դեռ բանակցություններ են վարում և հուսով են` փետրվարի վերջին նման հնարավորություն կլինի արդեն։

Նա հայտնեց, որ պատվասումը կամավորության սկզբունքով է լինելու, և շուրջ 600 000 անձ է գտնվում ռիսկի խմբերում` բուժաշխատողները, տարեցները, խրոնիկ հիվանդություններ ունեցողները։

Խոսելով պատվաստանյութի գների մասին` Սահակյանը հայտնեց, որ այն 4-12 դոլարի սահմաններում է։

Հիշեցնենք, որ Գայանե Սահակյանը հայտնել էր, որ հայկական կողմը կորոնավիրուսի դեմ չորս տեսակի (այդ թվում՝ ռուսական) հնարավոր մատակարարումների մասին բանակցություններ է տանում։ Նախատեսվում է պատվաստանյութ գնել Հայաստանի բնակչության 10%-ի՝ միայն ռիսկային խմբերի համար։

Արցախում ընթանում է խաղաղապահների պատվաստումը «Սպուտնիկ V»-ի երկրորդ չափաբաժնով

Ըստ թեմայի

Պատվաստանյութերի դեֆիցիտը ստիպել է ԵՄ–ին ուշադրություն դարձնել «Սպուտնիկ V»–ին
Ո՞ր դեպքում Թուրքիան կգրանցի ռուսական «Սպուտնիկ V» պատվաստանյութը
Սա առանձնացնում է պատվաստանյութը մյուսներից. մասնագետը նշել է Սպուտնիկ V–ի առավելությունը
Հայաստանյան արտադրողները կարող են ներգրավվել «Սպուտնիկ V» պատվաստանյութի արտադրության մեջ
թեգերը:
Հայաստան, պատվաստումներ, Սպուտնիկ V, Sputnik

Գլխավոր թեմաներ