06:50 04 մարտի 2021
Ուղիղ եթեր
  • USD525.99
  • GBP735.39
  • EUR636.45
  • RUB7.14
Հասարակություն
Ստանալ կարճ հղումը
46 0 0

Հակակոռուպցիոն քաղաքականության խորհրդի նիստի ժամանակ վարչապետին ներկայացրել են նախորդ տարի արված աշխատանքը, խոսել նոր օրենսդրական փաթեթների մասին։

ԵՐԵՎԱՆ, 16 փետրվարի - Sputnik. Կոռուպցիայի կանխարգելման հանձնաժողովը պետական պաշտոն զբաղեցնող և բիզնեսով զբաղվող որոշ պաշտոնյաների տվյալների ստուգման արդյունքներն ուղարկել է իրավապահներին։ Կան հարուցված քրեական գործեր, որոնք գտնվում են նախաքննության փուլում: Վարչապետ Նիկոլ Փաշինյանի գլխավորությամբ այսօր կառավարությունում տեղի ունեցած Հակակոռուպցիոն քաղաքականության խորհրդի նիստի ժամանակ տեղեկությունը հայտնել է հանձնաժողովի նախագահ Հայկուհի Հարությունյանը։

Նա վարչապետին տեղեկացրել է նաև, որ իրականացվել է պետական պաշտոններում նշանակման ենթակա 47 անձի, այդ թվում՝ դատախազի թեկնածուների, դատավորների հավակնորդի թեկնածուների, ՍԴ դատավորի թեկնածուների, ԲԴԽ անդամների թեկնածուների բարեվարքության ստուգում։ Նրանցից 26-ը ստացել են դրական եզրակացություն, 16-ը՝ դրական` վերապահումով, 4-ը՝ բացասական։

«Նախորդ տարի շարունակվել է գույքի, եկամուտների և շահերի հայտարարագրման համակարգի կատարելագործման աշխատանքը. 2019թ. համեմատ` 3 անգամ աճել է հայտարարատու անձանց թիվը, իրականացվել է գրեթե 640 հայտարարագրի վերլուծություն, որից 210-ը՝ ԲԴԽ անդամների, ՍԴ անդամ/դատավորների, նրանց ընտանիքի անդամների հայտարարագրերը: Վերլուծության արդյունքներով հանձնաժողովը հարուցել է 4 վարույթ՝ վարքագծի կանոնների, անհամատեղելիության պահանջների ներկայացրել»,–նշված է հաղորդագրության մեջ։

  • Ռուստամ Բադասյան
    Ռուստամ Բադասյան
    © Photo / official site of the Prime minister of RA
  • Հակակոռուպցիոն քաղաքականության խորհրդի նիստ
    Հակակոռուպցիոն քաղաքականության խորհրդի նիստ
    © Photo / official site of the Prime minister of RA
  • Հակակոռուպցիոն քաղաքականության խորհրդի նիստ
    Հակակոռուպցիոն քաղաքականության խորհրդի նիստ
    © Photo / official site of the Prime minister of RA
1 / 3
© Photo / official site of the Prime minister of RA
Ռուստամ Բադասյան

Կոռուպցիայի դեմ պայքա՞ր՝ չէ, չենք տեսել

Արդարադատության նախարար Ռուստամ Բադասյանը կարևորել է հակակոռուպցիոն դատարանների ստեղծումը։ Նա նշել է, որ օրենսդրական փաթեթով նախատեսվում է, որ մասնագիտացված և վերաքննիչ հակակոռուպցիոն դատարանների 5 դատավորները քննելու են «Ապօրինի ծագում ունեցող գույքի բռնագանձման մասին» օրենքի հիման վրա հարուցված քաղաքացիական գործերը։

Վարչապետը հետաքրքրվել է, թե զուգահեռ ինչ աշխատանք է տարվում ապօրինի ծագում ունեցող գույքի բռնագանձման ուղղությամբ: Նշվել է, որ այս առումով 4 գործ գտնվում է ավարտական փուլում:

Հակակոռուպցիոն խորհրդի նիստում ներկայացվել է նաև որևէ սեփականության իրական շահառուների համատարած բացահայտմանն ուղղված օրենսդրական փաթեթը: Բադասյանը հայտնել է, որ իրական սեփականատերերի բացահայտման մեխանիզմը տարածվելու է բոլոր իրավաբանական անձանց վրա։ Ստացված տեղեկության հիման վրա կստեղծվի տեղեկատվական բաց բազա։

Հիշեցնենք, դեռ 2019թ.–ի դեկտեմբերին վարչապետը հայտարարել էր` համակարգային կոռուպցիա Հայաստանում չկա։ Բայց դա չի նշանակում, որ ՀՀ-ում կոռուպցիոն երևույթներ չկան:
Ո՞նց հավատանք, որ Հայաստանում համակարգային կոռուպցիա չկա. Ռոբերտ Քոչարյան

թեգերը:
խորհրդակցություն, Վարչապետ, Հակակոռուպցիոն կոմիտե, կոռուպցիա

Գլխավոր թեմաներ