ԵՐԵՎԱՆ, 19 փետրվարի - Sputnik. ՀՀ կրթության, գիտության, մշակույթի և սպորտի նախարարությունը տեղեկացնում է, որ 2021-2022 ուսումնական տարվա ընդունելության քննությունների ցանկում փոփոխություններ են տեղի ունեցել։
Առկա և հեռակա համակարգերում դիմորդները կհանձնեն հիմնականում 2 քննություն։ Կան մասնագիտություններ, որոնց դիմորդները վճարովի ուսուցման համակարգում թափուր տեղերի առկայության դեպքում 2-րդ քննության գնահատականը կարող են փոխանցել ատեստատից կամ դիպլոմից:
«Ընդունելության քննությունների ցանկում կատարված հիմնական փոփոխությունն այն է, որ մի շարք մասնագիտությունների համար բուհերի կողմից սահմանված են մրցութային կամընտրական քննություններ՝ դիմորդներին հնարավորություն տալով իրենց ցանկությամբ ընտրելու համապատասխան քննական առարկան: Փոփոխությունը տարածվում է այն մասնագիտությունների վրա, որոնց համար նախորդ տարիներին սահմանված է եղել մրցութային 3 քննություն»,–նշված է հաղորդագրության մեջ։
Այսինքն` այդ մասնագիտությունների դիմորդներն այժմ կհանձնեն 2 քննություն՝ նախկին 3-ի փոխարեն, որոնցից մեկը սահմանված է որպես պարտադիր առարկա, իսկ երկրորդ քննությունը դիմորդն առաջարկվող առարկաներից կընտրի իր ցանկությամբ։
Մեխով հնարք՝ 200 դոլարի դիմաց, կամ ֆիզիկա սովորեք. հայկական հայթեք-բիզնեսի ծրագրերը
Հավելենք, որ գործադիրը հաստատել է նաև ասպիրանտուրայի ընդունելության հեռակա ուսուցմամբ անվճար տեղերի բաշխումը։ Այդ որոշմամբ՝ ընդունելության նպաստի ձևով ուսման վճարի փոխհատուցմամբ հատկացվել է 35 անվճար տեղ՝ հաշվի առնելով գիտական կազմակերպությունների և բուհերի ներկայացրած հայտերը։ Նախապատվությունը տրվել է բնագիտական, տեխնոլոգիական, ճարտարագիտական և մաթեմատիկական (STEM) ու հայագիտության ոլորտի մասնագիտություններին։
Հիշեցնենք, որ նախորդ տարի դիմորդները միայն մեկ քննություն հանձնեցին բուհ ընդունվելու համար, քանի որ կորոնավիրուսային իրավիճակի պատճառով դասերն անցկացվում էին հեռավար սկզբունքով։
Հաշմանդամություն ունեցող տղաները պրոֆեսիոնալ մարզիկ դառնալու հնարավորություն կունենան
