ԵՐԵՎԱՆ, 19 փետրվարի - Sputnik. Փոքրիկ արտակարգ դեպք է տեղի ունեցել Չեչնիայի առաջնորդ Ռամզան Կադիրովի ու հայտնի թուրք խոհարար Բուրաք Օզդեմիրի հանդիպման ժամանակ։ Դուբայում տեղի ունեցածի մասին Կադիրովը պատմել է «ВКонтакте» սոցիալական ցանցի իր էջում։ Նա նաև միջոցառումից տեսանյութ է հրապարակել:
Կադիրովն ասել է, որ Չեչնիայի բնակիչներն իր հետ միասին ուզում են պատժամիջոցների ենթարկվել
Երբ Կադիրովն այցելել է Օզդեմիրին պատկանող CZN BURAK ռեստորան, խոհարարը որոշել է ճաշատեսակի մատուցման հետ կապված տպավորիչ հնարք ցուցադրել: Բայց ինչ-որ բան լավ չի ստացվել ու քիչ է մնացել` շեֆ խոհարարը ուտեստներով լի սկուտեղը գցի Կադիրովի վրա։ Օզդեմիրն ու Կադիրովը գոռացել են, բայց հետո բարձրաձայն ծիծաղել։
Հանդիպման ավարտին շեֆ խոհարարն ու Չեչնիայի ղեկավարը լուսանկարվել են «Ահմաթն ուժ է» գրությամբ թխվածքաբլիթով։ Կադիրովը շնորհակալություն է հայտնել Օզդեմիրի հյուրընկալության համար և հաջողություն է մաղթել նրան:
Ի դեպ, Օզդեմիրը դարձել է «թուրքական սատանա» ռուսական մեմի հերոս։
Կադիրովին, նրա կնոջն ու դուստրերին ԱՄՆ-ն ներառել է սև ցուցակում
