Հայաստանում կան փակ և դժվարանցանելի ավտոճանապարհներ. Լարսը փակ է

ԵՐԵՎԱՆ, 19 փետրվարի - Sputnik. ՀՀ տարածքում կան փակ և դժվարանցանելի ավտոճանապարհներ։ Տեղեկությունը հայտնում է ՀՀ արտակարգ իրավիճակների նախարարությունը։ 

Փակ են Բերդ-Ճամբարակ ավտոճանապարհը, Վարդենյաց լեռնանցքը (միայն բեռնատարների համար) և Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները:

Դժվարանցանելի են Սյունիքի մարզի ավտոճանապարհները, Շիրակի մարզի Ամասիայի տարածաշրջանի միջհամայնքային ավտոճանապարհները։

Դիլիջանի ոլորանները փակ են կցորդիչով բեռնատարների համար, դժվարանցանելի՝ այլ տրանսպորտային միջոցների համար։

Վանաձոր-Դիլիջան, Տաշիր-Պրիվոլնոյե, Սպիտակ-Գյումրի ավտոճանապարհներին և Սպիտակի ոլորաններում տեղ-տեղ առկա է մերկասառույց։

Շիրակի մարզում և Սյունիքի մարզի Գորիս և Սիսիան քաղաքներում, Գեղարքունիքի մարզի Մարտունի քաղաքում, Արագածոտնի մարզի Ապարան քաղաքում ձյուն է տեղում։

Կոտայքի մարզում տեղումներ են՝ թաց ձյան տեսքով։

ՀՀ–ում կան փակ ճանապարհներ, Լարսի ռուսական կողմում մեծ թվով բեռնատարներ են կուտակվել. ԱԻՆ

Ստեփանծմինդա-Լարս ավտոճանապարհը փակ է բոլոր տիպի տրանսպորտային միջոցների համար․ ռուսական կողմում կա մոտ 600 կուտակված բեռնատար ավտոմեքենա: