20:45 19 ապրիլի 2021
Ուղիղ եթեր
  • USD522.21
  • GBP725.66
  • EUR628.69
  • RUB6.87
Հասարակություն
Ստանալ կարճ հղումը
46 0 0

Երկու դեպքում էլ վարորդները բեռի օրինականությունը հավաստող որևէ փաստաթուղթ չեն ներկայացրել։

ԵՐԵՎԱՆ, 26 փետրվարի – Sputnik. ՀՀ ոստիկանությունը ծառահատման ապօրինի դեպքեր է հայտնաբերել։ Տեղեկությունը հայտնում է ՀՀ ոստիկանության մամուլի ծառայությունը։

Մասնավորապես. այսօր` փետրվարի 26–ին, Իջևանի բաժնի ծառայողները, իրացնելով օպերատիվ տվյալները, Ենոքավանից Լուսաձոր գյուղ տանող ճանապարհին հայտնաբերել են «Ուրալ» մակնիշի բեռնատար՝ մոտ 10 խմ փայտանյութ բարձված։

«Տավուշի մարզի Աչաջուր գյուղում բնակվող վարորդը բեռի օրինականությունը հավաստող որևէ փաստաթուղթ չի ներկայացրել։ Մեքենան տեղափոխվել է ոստիկանության Իջևանի բաժնի պահպանվող հատուկ տարածք։ Նշանակվել է մասնագիտական ստուգում»,– նշված է հաղորդագրության մեջ։

Մեկ այլ հաղորդագրությունից տեղեկանում ենք, որ փետրվարի 23-ին ոստիկանության Սիսիանի բաժնի ծառայողներն ապօրինի ծառահատման վերաբերյալ օպերատիվ տվյալներ են ստացել, ապա բաժին հրավիրել Սիսիանի բնակիչ, 28-ամյա մի երիտասարդի։ Նրա «Կամազ» մակնիշի խոշոր բեռնատարն էլ տեղափոխել են բաժնի պահպանվող հատուկ տարածք, քանի որ վարորդը բեռնատարում առկա մոտ 25 խորանարդ մետր փայտանյութի օրինականությունը հավաստող փաստաթղթեր չի ունեցել։

«Նախնական տվյալներով՝ երիտասարդը փայտանյութը ձեռք էր բերել փետրվարի 16-ին Սյունիքի Արծվանիկ բնակավայրում»,–նշված է հաղորդագրության մեջ։

Փայտանյութերի ձեռքբերման աղբյուրները և այլ հանգամանքներ քննությամբ պարզվում են։



Ըստ թեմայի

Անտառներում ուզում են ճանապարհ բացել. ծառահատումներն անխուսափելի՞ կլինեն
Ապօրինի ծառահատումների դեմ պայքարի նոր ձև. պարզում են, թե որտեղ և երբ է հատվել փայտանյութը
Ապօրինի ծառահատում Սյունիքում. օրինախախտները համայնքի ղեկավարն ու իր որդիներն են
թեգերը:
տեսանյութ, ծառահատում, Ոստիկանություն

Գլխավոր թեմաներ