15:01 11 ապրիլի 2021
Ուղիղ եթեր
  • USD532.78
  • GBP729.96
  • EUR633.58
  • RUB6.90
Հասարակություն
Ստանալ կարճ հղումը
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո (98)
89 0 0

Կաթողիկոսը նշել է, որ քաոսային վիճակը հետզհետե խորանում է, իսկ քաոսը անկանխատեսելի հետևանքների աղբյուր է։

ԵՐԵՎԱՆ, 27 փետրվարի - Sputnik. Հայաստանը անդունդի եզրին է, հայտարարել է Մեծի Տանն Կիլիկիո Արամ Ա կաթողիկոսը։

«Երկրում տիրող քաոսային վիճակը հետզհետե խորանում է, իսկ քաոսը անկանխատեսելի հետևանքների աղբյուր է։ Հայրենիքի փրկությունը բոլոր կողմերից զիջումներ է պահանջում, ինչպես նաև փոխըմբռնում ու վստահություն։ Այս գիտակցությամբ է պետք գործել, վաղը կարող է ուշ լինել»,-մասնավորապես նշված է ֆեյսբուքյան գրառման մեջ։

Հիշեցնենք, որ Հայ առաքելական եկեղեցու Գերագույն հոգևոր խորհուրդն իր հերթին նախորդ օրը հայտարարություն էր տարածել, որ «օրհասական վիճակի լրջագույն ցուցիչ դիտարկելով հայրենիքի անվտանգության երաշխավոր հանդիսացող հայոց բանակի որդեգրած մտահոգ կեցվածքը՝ կոչ ենք անում ԱԺ-ին և իշխանության մյուս կառույցներին՝ անհրաժեշտ հետևություններն անել և պատասխանատվության բարձր գիտակցությամբ գործել ի սեր հայրենիքի»։

ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։

թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո (98)

Ըստ թեմայի

Մայր աթոռն իշխանություններին կոչ է անում բանակի որդեգրած մտահոգ կեցվածքից հետևություն անել
Ֆրանսիացի կամավորները ՀՀ-ում օգնում են տուժած արցախցի ընտանիքներին. ինչպե՞ս է դա արվում
Ուղղափառ եկեղեցի Շուշիում. որտեղի՞ց է ծագել հայերի կողմից եկեղեցու յուրացման մասին միֆը
թեգերը:
Արամ Առաջին կաթողիկոս, Հայաստան

Գլխավոր թեմաներ