22:56 10 ապրիլի 2021
Ուղիղ եթեր
  • USD532.78
  • GBP729.96
  • EUR633.58
  • RUB6.90
Հասարակություն
Ստանալ կարճ հղումը
80 0 0

Վազգեն Մանուկյանի պաշտպանը վստահեցնում է, որ պաշտպանյալի հանդեպ հարուցված գործը Քրեական օրենսգրքի հետ առհասարակ առնչություն չունի։

ԵՐԵՎԱՆ, 9 մարտի - Sputnik. «Հայրենիքի փրկության շաժման» վարչապետի թեկնածու Վազգեն Մանուկյանի պաշտպանը միջնորդելու է, որպեսզի կարճվի Մանուկյանի դեմ հարուցված քրգործը։ Փաստաբան Արամ Վարդևանյանն այդ մասին գրառում է կատարել Facebook–ի իր էջում։

«Քննչական կոմիտեն այսօր քաղաքական պրիմիտիվ և խայտառակ գործերի շարքից Վազգեն Մանուկյանի վերաբերյալ գործով հայտարարեց նախաքննության ավարտ: Միջնորդելու եմ կարճել այս քաղաքական գործը, քանի որ այն առնչություն չունի Քրեական օրենսգրքի հետ առհասարակ»,–գրել է նա` հավելելով, որ զարգացումների մասին հավելյալ կտեղեկացնի:

Վարդևանյանը նշել է նաև, որ 2018 թվականի ապրիլ-մայիս ամիսներին նույն իրավապահ համակարգը ոչ մի հանցակազմ չէր տեսել պատգամավորներին հետապնդելու և ճնշելու մեջ, ինչպես նաև վարչապետ Նիկոլ Փաշինյանի` «Կա՛մ ես կլինեմ վարչապետ, կա՛մ Հայաստանում վարչապետ չի լինի» գործողությունների և արտահայտությունների մեջ:

Հիշեցնենք, որ մարտի 3-ին, Բաղրամյան պողոտայում ընթացող հանրահավաքի ժամանակ, ՀՅԴ–ական Գեղամ Մանուկյանը հայտնեց, որ շարժման վարչապետի թեկնածու Վազգեն Մանուկյանը ծանուցագիր է ստացել, որում նշված է, որ փետրվարի 20-ին քննչական կոմիտեն Քրեական օրենսգրքի 301–րդ հոդվածը քրեական գործ է հարուցել Մանուկյանի դեմ։ Նրա նկատմամբ կիրառվել է ստորագրություն չհեռանալու մասին խափանման միջոցը։

301-րդ հոդվածը սահմանում է, որ իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչեր անելը պատժվում է տուգանքով` նվազագույն աշխատավարձի երեքհարյուրապատիկից հինգհարյուրապատիկի չափով, կամ կալանքով` երկուսից երեք ամիս ժամկետով, կամ ազատազրկմամբ` առավելագույնը երեք տարի ժամկետով:

Ատելության խոսքը պետք է բացառել. Փաշինյանը պնդում է, որ իր գրառման մեջ բռնության կոչ չկա

Ըստ թեմայի

Եթե նախագահը ՍԴ չդիմի, Շուշիի անկումն իր խղճի վրա է. Վազգեն Մանուկյան
«Չեմ պատրաստվում ցուցմունք տալ». Վազգեն Մանուկյանը չի փոշմանում իր ասածների համար
Վազգեն Մանուկյանի նկատմամբ կիրառվել է ստորագրություն չհեռանալու մասին խափանման միջոցը
թեգերը:
Քրեական գործ, Արամ Վարդևանյան, պաշտպան, Վազգեն Մանուկյան

Գլխավոր թեմաներ