18:49 25 հուլիսի 2021
Ուղիղ եթեր
  • USD483.42
  • GBP664.12
  • EUR568.89
  • RUB6.57
Հասարակություն
Ստանալ կարճ հղումը
16010

Եվս մեկ փոփոխության համաձայն` այսուհետ 90 և ավելի բարձր տարիք ունեցող քաղաքացիները կարիք չեն ունենա 12 ամիսը մեկ գնալ բանկ։

ԵՐԵՎԱՆ, 17 մարտի - Sputnik. Հաշմանդամություն ունեցող երեխաներին խնամող ծնողների ստաժը կավելանա և կենսաթոշակները կբարձրանան։ Այս մասին մամուլի ասուլիսին հայտարարել է ՀՀ աշխատանքի և սոցիալական հարցերի նախարարի տեղակալ Դավիթ Խաչատրյանը` ներկայացնելով «Պետական կենսաթոշակների մասին» ՀՀ օրենքի փոփոխությունները։

«Իրենց խնամակալության տակ հաշմանդամություն ունեցող երեխաներ պահող ծնողների համար մինչ այժմ 10 տարին էր համարվում ստաժ, և հետևաբար 10 տարի էր կենսաթոշակ վճարվում։ Ներկայիս ռեֆորմով նախատեսվում է, որ ծնողը խնամակալի ստաժ կունենա մինչև երեխայի չափահաս դառնալը` 18 տարեկանը», – ասաց Խաչատրյանը։

Նրա մոտավոր հաշվարկով` կենսաթոշակի չափը յուրաքանչյուր ծնողի համար կբարձրանա 11 հազար դրամով։

«Եթե նախկինում 31 հազար դրամ էր ստանում ծնող, այժմ կստանա ամսական 42 հազար», – օրինակով ներկայացրեց փոխնախարարը։

Նա տեղեկացրեց, որ այժմ հաշմանդամություն ունեցող երեխայի 600 խնամակալ կա Հայաստանում, որոնցից 150–ը 10 տարուց ավելի են խնամում իրենց երեխաներին, սակայն 10 տարուց հետո կենսաթոշակ չեն ստացել։

«Պետական կենսաթոշակների մասին» ՀՀ օրենքի փոփոխությունները պետք է քննարկվեն կառավարությունում, ապա ԱԺ–ում։ Հույս ունենք, որ այս տարվա երկրորդ կիսամյակում փոփոխությունները ուժի մեջ կմտնեն», – ասաց նա։

ԵԱՏՄ–ում քաղաքացիների թոշակը հաշվարկելիս կգումարվի նաև անդամ երկրներում ունեցած ստաժը

Եվս մեկ փոփոխության համաձայն` այսուհետ 90 և ավելի բարձր տարիք ունեցող քաղաքացիները կարիք չեն ունենա 12 ամիսը մեկ գնալ բանկ` իրենց անձի հաստատման համար։ Փոխարենը սոցաշխատողները կգան մեծահասակների տուն։

Ըստ թեմայի

Հաշմանդամություն ունեցող օդաչուների իրավունքները շարունակվում են խախտված մնալ. Թաթոյան
3 միլիոն հաշմանդամության, 5 միլիոն՝ զոհվելու դեպքում․ սահմանամերձ համայնքների նոր ծրագրերը
Արցախյան վերջին պատերազմից հետո հաշմանդամության կարգ է տրվել շուրջ 600 անձի
թեգերը:
Թոշակ, երեխա, հաշմանդամ

Գլխավոր թեմաներ