ԵՐԵՎԱՆ, 19 մարտի - Sputnik. ԱԺ պատգամավոր Թագուհի Թովսմասյանն ահազանգում է` Սոթքի հանքի շուրջ 300 աշխատակից է աշխատանքից ազատվել։
«Սոթքի հանքի 300 աշխատակից արդեն իսկ անգործ են մնացել։ Վարդենիսի բնակիչների կենցաղային հարցերի վրա էական ազդեցություն է ունենում այդ 300 կրճատված աշխատակիցների խնդիրը։ Ի դեպ, որևէ երաշխիք չկա, որ այդ 300-ը չի ավելանա»,–ասաց Թովմասյանը ԱԺ արտահերթ նիստի ժամանակ։
Նրա խոսքով` աշխատանքից ազատված մարդիկ վարկեր ու պարտավորվածություններ ունեին, իսկ հիմա մնացել են առանց եկամտի։ Պատգամավորը նշեց, որ որոշ ժամանակ առաջ նույն ամբիոնից բարձրաձայնել էր այս խնդրի մասին, սակայն որևէ արձագանք չի եղել։
Թովմասյանը նշեց` որքան էլ հիմա արտախորհրդարանական ընտրությունների տրամադրություններով ենք` պետությունը պարտավոր է սահմանամերձ շրջանների բնակիչներին երաշխիքներ տալ։ Ո՞վ պետք է սոցիալական երաշխիքներ տա սահմանամերձ համայնքներում անգործ մնացած մարդկանց, և այդ մարդիկ այսուհետ ինչպե՞ս են ապրելու։
Հիշեցնենք, որ մարտի 4-ին ԱԺ նիստում Թովմասյանը հայտնել էր, որ Սոթքի ոսկու հանքավայրի մոտ 300 աշխատակցի կրճատման հարց է առաջացել նրանցից մոտ 100-ն արդեն կրճատվել է:
Սոթքի հանքի համասեփականատերը պատմել է, թե ինչպես են աշխատում հրադադարից հետո
Նոյեմբերի 26-ին լուրեր տարածվեցին, որ ադրբեջանական զինվորները մտել են Սոթքի հանքավայր և աշխատակիցներին ժամանակ տվել դուրս գալու համար: ՀՀ պաշտպանության նախարարությունը հերքեց այդ լուրը։ Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը Sputnik Արմենիայի հետ զրույցում հայտնեց, որ ադրբեջանցիները Սոթքի հանքի տարածքում են, բանակցություններ են վարում։
Սոթքի ոսկու հանքը հնարավոր էր Ադրբեջանին չհանձնել. Մինասյան
Sputnik Արմենիայի նկարահանող խումբը հաջորդ օրը մեկնեց Սոթք և տեսավ, որ դեպի Քարվաճառ ու հանքի տարածք գնացող ճանապարհին կանգնած են ՀՀ ոստիկանության ու ռազմական ոստիկանության աշխատակիցները, որոնք բացի զինվորականներից ու հանքի աշխատակիցներից՝ այլ անձանց թույլ չէին տալիս շարունակել ճանապարհը դեպի ոսկու հանք:
