18:59 19 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Հասարակություն
Ստանալ կարճ հղումը
320 0 0

Հայկ Մարությանը խոստացել էր շենքի վերանորոգման համար գումար հատկացնել Երևանի բյուջեից, բայց ուշացել է․ հիմա իշխանությունները նախատեսում են նորոգել հարևան համայնքներից մեկի մանկապարտեզը։

ԵՐԵՎԱՆ, 19 մարտի – Sputnik. Երևանի քաղաքապետ Հայկ Մարությանը խոստացել էր մայրաքաղաքի համայնքային բյուջեից գումար հատկացնել Տավուշի մարզի Այգեպար համայնքում 2020թ․-ի հուլիսին ռմբակոծված մանկապարտեզը նորոգելու համար, բայց նրա փոխարեն դա արել է բարեգործական հիմնադրամը։

2020թ․-ի հուլիսի 16-ին հայտնի դարձավ, որ ադրբեջանական զինուժի հրետակոծության հետևանքով վնասվել է Հայաստանի Տավուշի մարզի Այգեպար գյուղի մանկապարտեզը։

Разрушенная крыша детского сада после обстрела в селе Айгепар (18 июля 2020). Тавуш
© Sputnik / Aram Nersesyan
Այգեպարի մանկապարտեզը

Նույն օրը Երևանի քաղաքապետ Հայկ Մարությանը հայտնեց, որ խոսել է Տավուշի մարզպետ Հայկ Չոբանյանի հետ և երևանցիների անունից ասել, որ կանգնած են Տավուշի սահմանապահ ժողովրդի կողքին։

«Պարոն մարզպետի հետ պայմանավորվածություն ենք ձեռք բերել, որ Երևանի համայնքային միջոցներով կվերանորոգենք հակառակորդի հրետանային կրակից վնասված Այգեպարի մանկապարտեզը»»,- Facebook–ի իր էջում գրել էր Մարությանը։

Սակայն Այգեպար գյուղ կատարած այցի ընթացքում պարզվել է, որ շենքն արդեն նորոգվել է այլ միջոցներով, և դա արել է հայ-ամերիկյան «Փարոս» բարեգործական հիմնադրամը։

Детский сад общины Айгепар Тавушской области
© Sputnik / Andranik Ghazaryan
Նորոգված մանկապարտեզը

Sputnik Արմենիան հարցում ուղարկեց Երևանի քաղաքապետարան` խնդրելով պարզաբանել, թե ինչու է այդպես ստացվել։

«Հրետակոծությունից տուժած ՀՀ Տավուշի մարզի Այգեպար գյուղական համայնքի մանկապարտեզի՝ Երևանի համայնքային միջոցներով նորոգման խոստումից հետո Այգեպար համայնք են այցելել Երևանի ավագանու անդամներ: Տեղում պարզվել է, որ հիմնադրամներից մեկն արդեն ստանձնել է մանկապարտեզը սեփական միջոցներով նորոգելու պարտավորությունը»,-պատասխանեցին քաղաքապետարանից։

Ելնելով այդ փաստից և խորհրդակցելով Տավուշի մարզպետի հետ` որոշվել է Երևան համայնքի միջոցներով նորոգել ու բարեկարգել հարևան համայնքներից մեկի մանկապարտեզի շենքը։

«Այդ ուղղությամբ ներկայումս ընթանում են նախապատրաստական աշխատանքներ: Քննարկվում է Այգեձոր և (կամ) Նորաշեն համայնքների մանկապարտեզները վերանորոգելու հարցը»,-ասված է հաղորդագրության մեջ։

«Փարոս» հիմնադրամի ներկայացուցիչ Սևան Ամիրյանցն էլ Sputnik Արմենիային հայտնեց, որ իրենք այդ մանկապարտեզը նորոգել էին նաև 2017թ․-ին և իրենց բարոյական պարտքն էին համարում կրկին անել դա։

Представитель благотворительного фонда Парос Севан Амирянц
© Sputnik / Andranik Ghazaryan
Սևան Ամիրյանց

Վերանորոգումն իրականացվել էր օգոստոսին, սեպտեմբերի կեսերին այնտեղ ոչ մեծ միջոցառում էր անցկացվել։

Այգեպարի մանկապարտեզը հիմնադրամի միջոցներով նորոգված միակ մանկապարտեզը չէ։ Նույնն է արվել նաև Ներքին Կարմիրաղբյուրում, Չինարիում, Մովսեսում, Վարագավանում, Պառավաքարում, Աչաջուրում, Բաղանիսում (կառուցվել է հիմքից) և Նոյեմբերյանում։

Այս տարի նախատեսվում է նորոգման աշխատանքներ կատարել նաև Արծվաբերդում։

Ըստ թեմայի

Երևանի քաղաքապետարանը 3 մանկապարտեզ կկառուցի, ևս 12-ն էլ կվերանորոգի
Ի՞նչ գումարով են 161 ավտոբուս գնելու Երևանի համար. Խաժակյանը` քաղաքապետարանի ծախսերի մասին
Երևանի քաղաքապետարանը որքա՞ն գումար է ծախսել 2020 թվականին
թեգերը:
մանկապարտեզ, Այգեպար, Հայաստան

Գլխավոր թեմաներ