16:41 13 ապրիլի 2021
Ուղիղ եթեր
  • USD519.43
  • GBP715.00
  • EUR617.91
  • RUB6.73
Հասարակություն
Ստանալ կարճ հղումը
67 0 0

Զոհրաբյանը հիշեցրել է Human Rights Watch-ը հրապարակումը, որտեղ ներկայացված էին Հայաստան վերադարձած 4 ռազմագերիների հետ զրույցից հատվածներ:

ԵՐԵՎԱՆ, 20 մարտի - Sputnik. ԲՀԿ–ական պատգամավոր Նաիրա Զոհրաբյանն ահազանգում է` գերիների հարցով շտապել է պետք` արդեն ժամանակ չունենք։ Նա Facebook–ի իր էջում գրառում է արել` անդրադառնալով գերիների վերադարձի խնդրին։

«Քանի որ մենք դե ֆակտո իշխանություն չունենք, ես կարծում եմ բոլոր այն հասարակական կառույցներն ու անհատները՝ Հայաստանում և մեր երկրից դուրս, որոնք զբաղվում են այս խնդրով, պետք է համատեղենք մեր ջանքերը։ Պետք է համագործակցենք միմյանց հետ, փոխանակենք մեր ունեցած տեղեկատվությունն ու հասկանանք՝ է՞լ ինչ քայլեր է հնարավոր, որպեսզի թուրքի գերությունից ազատենք մեր տղաներին»,–գրել է Զոհրաբյանը։

Նա նշել է, որ մոտավոր հաշվարկներով, 250-ից ավելի ռազմագերի ունենք։ Զոհրաբյանը հիշեցրել է Human Rights Watch-ի հրապարակումը, որտեղ ներկայացված էին Հայաստան վերադարձած 4 ռազմագերիների հետ զրույցից հատվածներ։ ԱԺ պատգամավորը նշել է, որ վերադարձած տղաները զարհուրելի մանրամասներ են պատմել իրենց և իրենց հետ գերեվարվածների նկատմամբ վատ վերաբերմունքից:

Նրանք բոլորն էլ նկարագրել են, որ երկարատև և բազմակի ծեծի են ենթարկվել: Նրանցից մեկը պատմել է, որ իրեն ծակծկել են սուր մետաղական ձողով և այլն։

Հիշեցնենք, որ Human Rights Watch-ը հայտարարություն էր տարածել` ներկայացնելով, թե ինչ վերաբերմունքի են արժանանում հայ գերիներն Ադրբեջանում։ Հայտարարության մեջ նշված է, որ Ադրբեջանի իշխանությունը պետք է անհապաղ հետաքննի բոլոր նման դեպքերն ու դիմումները, մեղավորներին պատասխանատվության ենթարկի։

Բացի այդ, Ադրբեջանը պետք է անհապաղ ազատ արձակի բոլոր ռազմագերիներին ու քաղաքացիական անձանց, ինչպես նաև տեղեկացնի հայկական կողմի բոլոր այն անձանց գտնվելու վայրի մասին, որոնց վերջին տեղեկությունները Ադրբեջանում գերի լինելու մասին են:

Հայ ռազմագերիների հարցը ՀՀ զինդատախազը քննարկել է Human Rights Watch-ի հետ

Ըստ թեմայի

ԱՄՆ կոնգրեսականները հայ գերիներին ազատ արձակելու կոչով բանաձև կներկայացնեն
Արցախի ՄԻՊ պաշտոնակատարն ու ՄԻԵԴ–ում Հայաստանի ներկայացուցիչը քննարկել են գերիների հարցը
Զախարովան խորհուրդ է տվել գերիների թվի հարցով դիմել ոչ թե իրեն, այլ Երևանին և Բաքվին
Բադասյանը ՄԱԿ-ի Հանցավորության կանխարգելման կոնգրեսին ներկայացրել է գերիների խնդիրը
թեգերը:
Ադրբեջան, գերի, Նաիրա Զոհրաբյան

Գլխավոր թեմաներ